چین کی زمینی بندرگاہ درہ الاٹاو کے راستے ایک ہزار گاڑیاں درآمد کی گئیں

ارومچی (اُردو پوائنٹ اخبارتازہ ترین - آئی این پی۔ 19 مارچ2017ء) چین کی سب سے بڑی زمینی بندرگاہ درہ الاٹاو سے اس سال درآمد کی جانیوالی ایک ہزار سے زیادہ گاڑیاں کلیئر کی جائیں گی ، یہ تعداد چین کی کسی بھی دوسری باقاعدہ زمینی بندرگاہ سے زیادہ ہے ، اس بندرگاہ کے لئے متوازی پائلٹ پروگرام کے تحت گاڑیوں کی درآمد ستمبر میں شروع کی گئی تھی ، اس نے اب تک 283درآمدی کاریں پراسس کی ہیں جن میں پہلے دو مہینوں کی 138کاریں بھی شامل ہیں ۔

(جاری ہے)

یہ بات الاٹاو درہ کے ز ین چائو نے بتائی ہے ۔ ان گاڑیوں میں لینڈ روور ، بینز ، ٹیوٹا اور لاڈا شامل ہیں ، زیادہ تر گاڑیاں روس جرمنی اور متحدہ عرب امارات سے درآمد کی گئی تھیں ، اس علاقے میں 13کمپنیاں گاڑیاں برآمد کرتی ہیں جو کہ ستمبر سے ایک بڑے منصوبے کے تحت متوازی درآمدی کاروبار کررہی ہیں ، یہ پروگرام ڈیلر ز کو براہ راست غیر ممالک سے گاڑیاں درآمد کرنے کی اجازت دیتا ہے جس سے خریداروں کو کم قیمت پر گاڑیاں مل جاتی ہیں ۔