ایران کو چاولوں کی برآمدات کے فروغ سے 500 ملین ٹن ڈالر سے زائد کا قیمتی زرمبادلہ کمایا جا سکتا ہے، محمود مولوی

اتوار 19 مارچ 2017 10:41

اسلام آباد ۔ (اُردو پوائنٹ اخبارتازہ ترین - اے پی پی۔ 19 مارچ2017ء) ایران کو چاولوں کی برآمدات کے فروغ سے 500 ملین ٹن ڈالر سے زائد کا قیمتی زرمبادلہ کمایا جا سکتا ہے۔ رائس ایکسپورٹرز ایسوسی ایشن آف پاکستان (ریپ) کے چئیرمین محمود مولوی نے کہا ہے کہ ایران پر عائد اقتصادی پابندیوں کے خاتمہ کے بعد چاول کی برآمدات کے حوالے سے بینکنگ کی سہولیات میں آسانی کیلئے جامع حکمت عملی کے تحت اقدامات کی ضرورت ہے۔

(جاری ہے)

انہوں نے کہا کہ ایران پاکستان کیلئے چاول کی بڑی درآمدی منڈی ثابت ہو سکتا ہے۔ انہوں نے کہاکہ اقتصادی پابندیوں کے آغاز سے قبل پاکستان سالانہ 3 تا 4 لاکھ ٹن چاول ایران کو برآمد کر کے 3 تا 4 سو ملین ڈالر کا زرمبادلہ کماتا تھا۔ انہوں نے کہاکہ بینکاری کی ناکافی سہولیات اور ای فارم اور لیٹر آف کریڈٹس کے اجراء میں درپیش مسائل کے خاتمہ سے چاول کی قومی برآمدات میں خاطر خواہ اضافہ کیا جا سکتا ہے۔ انہوں نے متعلقہ حکام سے مطالبہ کیا کہ مسائل کے خاتمہ کیلئے جامع اقدامات کئے جائیں