آپریشن ردالفساد بھرپور انداز میں جاری ، گزشتہ 24گھنٹوں کے دوران 35سے زائد سرچ آپریشنز، 35مشتبہ افراد گرفتار

گرفتار افراد سے بھاری مقدار میں اسلحہ ،گولہ بارود ،غیر ملکی کرنسی اور پاسپورٹس برآمد ہوئے، آئی ایس پی آر

ہفتہ 18 مارچ 2017 23:00

آپریشن ردالفساد بھرپور انداز میں جاری ، گزشتہ 24گھنٹوں کے دوران 35سے ..

راولپنڈی(اُردو پوائنٹ اخبارتازہ ترین - آئی این پی۔ 18 مارچ2017ء) ملک بھر میں آپریشن ردالفساد بھرپور انداز میں جاری گزشتہ 24گھنٹوں کے دوران خفیہ اطلاعات پر6 آپریشنز سمیت مجموعی طور پر35سے زائد سرچ آپریشنز کئے گئے جن میں 35مشتبہ افراد گرفتار کئے گئے ۔ ہفتہ کو پاک فوج کے شعبہ تعلقات عامہ (آئی ایس پی آر) کے مطابق گزشتہ 24گھنٹے میںآپریشن ردالفساد کے تحت 35سے زائد سرچ آپریشنز کئے گئے۔

(جاری ہے)

جن میں خفیہ اطلاعات پر کئے گئے 6آپریشنز بھی شامل ہیں ۔سرچ آپریشنز میں پنجاب رینجرز ،پولیس اور خفیہ اداروں نے حصہ لیا ۔پنجاب میں گرفتار 14مشتبہ افراد میں ایک افغانی اور ایک کالعدم تنظیم کا کارکن بھی شامل تھا۔ ڈیرہ غازی خان ، راولپنڈی ، اسلام آباد اور اٹک سے 14افراد گرفتار کئے گئے ۔ گرفتار افراد سے بھاری مقدار میں اسلحہ ،گولہ بارود ،غیر ملکی کرنسی اور پاسپورٹ برآمد ہوئے ۔ (ن م)