ڈیرہ غازی خان ،ْتونسہ بائی پاس پر رینجرز اہلکاروں پر فائرنگ کے بعد جوابی کارروائی میں دو حملہ آور ہلاک

ہفتہ 18 مارچ 2017 14:58

ڈیرہ غازی خان (اُردو پوائنٹ اخبارتازہ ترین - این این آئی۔ 18 مارچ2017ء) تونسہ بائی پاس پر رینجرز اہلکاروں پر فائرنگ کے بعد جوابی کارروائی میں 2 حملہ آور ہلاک ہوگئے۔

(جاری ہے)

میڈیا رپورٹ کے مطابق ڈیرہ غازی خان میں تونسہ بائی پاس پر رینجرز اہلکاروں نے موٹر سائیکل پر سوار 3 مشکوک افراد کو رکنے کی ہدایت کی ،ْانہوں نے رکنے کے بجائے فائرنگ کردی تاہم رینجرز اہلکار حملہ میں محفوظ رہے ،ْرینجرزکی جوابی کارروائی میں تینوں حملہ آور زخمی ہوگئے جن میں سے 2 گرفتار کرلیے گئے ،ْزخمیوں کو فوری طور پر ہسپتال منتقل کیا گیا جہاں وہ دوران علاج دم توڑ گئے۔

رینجرزذرائع کے مطابق ہلاک ہونے والے حملہ آوروں کی شناخت جاوید جہنگیل اورمجاہد پرہار کے نام سے ہوئی ہے ،ْ راشد نامی تیسرا حملہ آور فرارہونے میں کامیاب ہوگیا۔ واقعے کے بعد رینجرز اور پولیس کی جانب سے علاقہ میں سرچ آپریشن شروع کردیا ہی.واضح رہے کہ گزشتہ روز بھی ڈی جی خان میں رینجرزکے سرچ ا?پریشن کے دوران 5 دہشت گرد ہلاک اور7 گرفتار کیے گئے تھے۔