اگر سوشل میڈیا پر پابندی عائد کی گئی تو حکومت کیخلاف دھرنا دینے کیلئے سڑکوں پر آ جائیں گے: عمران خان

محمد علی جمعرات 16 مارچ 2017 23:13

اسلام آباد (اُردو پوائنٹ اخبارتازہ ترین۔ 16 مارچ2017ء) عمران خان نے پھر سے حکومت مخالف دھرنے کی دھمکی دے دی ہے۔ تفصیلات کے مطابق تحریک انصاف کے سربراہ عمران خان کی جانب سے ملک میں سوشل میڈیا پر پابندی عائد کیے جانے کی خبروں پر ردعمل دیا گیا ہے۔

(جاری ہے)

عمران خان کا کہنا ہے کہ فیس بک پر گستاخانہ مواد شائع کرنے والوں کی وہ شدید مذمت کرتے ہیں۔ حکومت اس کام میں ملوث افراد کا پتہ لگا کر انہیں سزا دے۔ لیکن حکومت اس معاملے کی آڑ میں ملک بھر میں سوشل میڈیا پر پابندی عائد کرنے کی غلطی ہرگز مت کرے۔ اگر حکومت نے ایسا کیا تو پھر ان کی جماعت سڑکوں پر دوبارہ آ کر دھرنا دینے سے گریز نہیں کرے گی۔