یہودی آباد کارمسجد اقصیٰ میں گھس آئے

مقبوضہ بیت المقدس (اُردو پوائنٹ اخبارتازہ ترین - آن لائن۔ 16 مارچ2017ء) یہودی آباد کاروں نے مسجد اقصیٰ میں گھس کر مقدس مقام کی بے حرمتی اوررتاریخی حصے قبة الصخرة میں داخل ہونے کی کوشش کی۔ تفصیلات کے مطابق یہودی آباد کاروں کی بڑی تعداد نے مسجد اقصیٰ میں مقدس مقام کی بے حرمتی اور قبة الصخرة میں داخل ہونے کی کوشش کی تاہم قبلہ اول کے محافظوں نے انکے مکرو عزائم کو خاک میں ملا دیا۔

قبلہ اول پر دھاوے کے وقت یہودی آباد کاروں کے ہمراہ ان کے مذہبی پیشوا اور ربی بھی موجود تھے جنہوں نے قبلہ اول میں داخل ہونے کے بعد وہاں پر مزعومہ ہیکل سلیمانی پر روشنی ڈالی اور یہودیوں کو تاکید کہ وہ مذہبی تعلیمات پرعمل پیرا رہتے ہوئے ہیکل سلیمانی کے قیام کیلئے کوششیں جاری رکھیں۔

(جاری ہے)

فلسطینی محکمہ اوقاف کی طرف سے جاری بیان میں کہا گیا ہے کہ کم و بیش42 یہودی آباد کار مسجد اقصیٰ میں داخل ہوئے اور تلمودی تعلیمات کے مطابق مذہبی رسومات کی ادائیگی کیساتھ مسجد کی بے حرمتی کی۔

اس موقع پر یہودیوں نے مسجد اقصیٰ میں قبة الصخرة میں داخل ہونے کی کوشش کی مگر وہاں پر موجود حفاظتی عملے نے یہودی شرپسندوں کو آگے جانے سے روک دیا۔عینی شاہدین کا کہنا ہے کہ قبة الصخرة میں یہودی اشرار کی آمد کی کوشش پر قبلہ اول کے محافظوں نے فوری حرکت میںآئے۔اس دوران یہودی آباد کاروں اور قبلہ اول کے محافظوں کے درمیان ہاتھا پائی بھی ہوئی۔۔