مقبوضہ کشمیر، بھارتی پولیس نے سید علی گیلانی ، میر واعظ عمر فاروق اور یاسین ملک کوگرفتار کرلیا،پولیس کا صحافیوںپر بدترین تشدد
جمعرات 16 مارچ 2017 19:02
(جاری ہے)
اسی دوران پولیس نے سید علی گیلانی ، میر واعظ اور یاسین ملک کو گرفتار کر کے ہمہامہ پولیس اسٹیشن سرینگر منتقل کردیا ۔
گرفتاری سے قبل حریت رہنمائوںنے کشمیری عوام سے کہاکہ وہ وسطی اور جنوبی کشمیرمیں بھارتی لوک سبھا کے انتخابات کا مکمل طورپر بائیکاٹ کریں۔ پولیس نے اس موقع پر بارہ سے زائد صحافیوں اور فوٹو جرنلسٹوں پربھی طاقت کا وحشیانہ استعمال کیا ۔ یہ صحافی مشترکہ حریت قیادت کی پریس بریفنگ کی کوریج کیلئے حید پورہ آئے تھے ۔ سرینگر میںاسلامک یونیورسٹی آف سائنس اینڈ ٹیکنالوجی کے سینکڑوں طلباء نے گزشتہ روز کپواڑہ میں بھارتی فوجیوں کی فائرنگ سے شہید ہونیوالی سات سالہ کشمیری بچی کنیزہ کے والدین سے اظہار یکجہتی کیلئے احتجاجی مظاہرے کئے ۔طلباء نے بچی کے قتل کے خلاف آن لائن مہم بھی شروع کی ۔ ہائی کورٹ بارایسوسی ایشن کے اراکین نے بھی سرینگر میں ایک مظاہرے کے دوران بچی کے قتل کی مذمت کی ۔ ضلع کشتواڑ کے رہائشیوں نے میڈیا کو بتایا ہے کہ بھارتی فورسز کے اہلکاروںنے انکی زندگیاںاجیرن بنادی ہیں۔انہوںنے کہاکہ فورسز اہلکار کریک ڈائونز اور گھروں پر چھاپوں کے دوران انہیں ظلم و تشدد کا نشانہ بناتے ہیں۔ جنیوا میںاقوام متحدہ کی انسانی حقوق کونسل کے 34ویں اجلاس کے موقع پر ایک سیمینار کے دوران آٹھ رکنی کشمیری وفد کے اراکین نے عالمی برداری سے مطالبہ کیا ہے کہ وہ کشمیریوںکو بھارتی جارحیت سے بچانے کیلئے فوری مداخلت کرے۔ ادھر امریکی محکمہ خارجہ نے ایک رپورٹ میں گزشتہ سال کے انتفادہ کے دوران مقبوضہ کشمیرمیں بھارتی فوجیوں کے ہاتھوں کشمیریوں کے قتل عام کو اجاگر کرتے ہوئے کہاہے کہ بھارتی فورسز کی طرف سے پیلٹ گن کے بے دریغ استعمال سے 88شہری شہید اور بچوں سمیت سینکڑوںافراد نابینا ہو گئے ہیں۔ جمہوریت ،انسانی حقوق اور محنت کے بارے میں محکمہ خارجہ کی طرف سے مرتب کردہ 64صفحات پر مشتمل رپورٹ مارچ کے پہلے ہفتے میں امریکی کانگرس کو پیش کی گئی ۔رپورٹ میں کہاگیا ہے کہ کالے قانون پبلک سیفٹی ایکٹ کے تحت حاصل استثنیٰ کے ذریعے انتظامیہ کشمیرمیں شہریوں کے قتل پر فورسز سے کوئی پوچھ گچھ نہیں کرتی ۔ رپورٹ میں مزید کہاگیا کہ انتظامیہ پر امن احتجاج کے حق کا بھی احترام نہیں کر تی ہے ۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.