آپریشن رد الفساد کے تحت وفاقی دارالحکومت اسلام آباد اور پنجاب کے مختلف شہروں میں سرچ آپریشنز

افغان باشندوں سمیت 26 مشتبہ افراد کو گرفتار کر لیا گیا ، اسلحہ دھماکہ خیز مواد کمپیوٹرز بارودی سرنگیں اور خود کش جیکٹس کی تیاری میں استعمال ہونیوالا مواد بھی برآمد کیا گیا، آئی ایس پی آر

بدھ 15 مارچ 2017 23:30

ْ راولپنڈی(اُردو پوائنٹ اخبارتازہ ترین - این این آئی۔ 15 مارچ2017ء) آپریشن رد الفساد کے تحت وفاقی دارالحکومت اسلام آباد اور پنجاب کے مختلف شہروں میں سرچ آپریشنز کے دوران 11 افغان باشندوں سمیت 26 مشتبہ افراد کو گرفتار کر لیا گیا ۔

(جاری ہے)

آئی ایس پی آر کے مطابق پنجاب رینجرز ،پولیس اور انٹیلی جنس ایجنسیوں نے ڈیرہ غازی خان ، لاہور، راولپنڈی ، اسلام آباد، سیالکوٹ، اٹک ، حسن ابدال ، ناروال، شکر گڑھ اور راجن پور میں مشترکہ سرچ آپریشنز کئے جن کے دوران 26 مشتبہ افراد کو گرفتار کیا گیا جن میں 11 افغان باشندے بھی شامل ہیں ۔ آپریشنز کے دوران اسلحہ ، دھماکہ خیز مواد، کمپیوٹرز، بارودی سرنگیں، سرکٹس سمیت خود کش جیکٹ تیار کرنے کا مواد بھی برآمد کئے گئے ۔