ہر کام ٹھیکے پر چل رہا ہے تو حکومتیں بھی ٹھیکے پر دیدی جائیں ،سپریم کورٹ
منچھر جھیل کے آلودہ پانی سے متعلق ازخود نوٹس کیس کی سماعت، سندھ حکومت کی جانب سے آر بی او ڈی پراجیکٹ سے متعلق رپور ٹ پیش واٹر کمیشن کی رپورٹ نعیم احمد بخاری کیخلاف چارج شیٹ ہے جس شخص نے منچھرجھیل کو تباہ کیا اسے ٹاسک فورس میں شامل کر دیا گیا ہے،جسٹس امیر ہانی مسلم عدالت نے ٹاسک فورس دوبارہ تشکیل دیکر جمعرات تک رپورٹ طلب کر لی، سب ٹیکس پر پل رہے ہیں مگر کوئی کام کرنے کو تیار نہیں،جسٹس قاضی فائز عیسیٰ
پیر 13 مارچ 2017 16:15
(جاری ہے)
عدالت نے حکومت سندھ کے تشکیل کردہ ٹاسک فورس کا نوٹی فکیشن مسترد کردیا۔
جسٹس امیرہانی کا کہنا تھا کہ واٹر کمیشن کی رپورٹ نعیم احمد بخاری کیخلاف چارج شیٹ ہے جس شخص نے منچھرجھیل کو تباہ کیا اسے ٹاسک فورس میں شامل کر دیا گیا ہے۔ جسٹس قاضی فائزعیسی نے ریمارکس دیئے کہ سندھ حکومت میں صلاحیت نہیں، تعلقات کی بنیاد پر عہدے ملتے ہیں، ڈی جی انوائرمینٹل عوام کے ٹیکس کے پیسے مفت بیٹھ کرکھا رہے ہیں۔ قتل ایک آدمی کا ہوتا ہے یہ شخص پورے سندھ اور کراچی کے کروڑوں لوگوں کا قتل کر رہا ہے، ڈی جی انوائر مینٹل نااہل ترین شخص ہے حکومتی نااہلی پرصبرکا پیمانہ لبریز ہورہا ہے۔عدالت کا کہنا تھا کہ ٹاسک فورس میں قابل، باصلاحیت اورماہرین شامل کئے جائیں اور ٹاسک فورس میں شامل ڈی جی انوائر مینٹل پروٹیکشن ایجنسی نعیم بخاری کو نکالا جائے۔ عدالت نے ٹاسک فورس دوبارہ تشکیل دے کر جمعرات تک رپورٹ طلب کر لی۔عدالت میں واپڈا حکام اور ڈپٹی اٹارنی جنرل نے مقف پیش کیا کہ سندھ حکومت اپنے حصے کے فنڈز دینے کو تیار نہیں۔ وفاقی سیکریٹری خزانہ نے عدالت کو بتایا کہ پراجیکٹ میں سندھ حکومت حصے دار ہے۔ عدالت نے آر بی او ڈی پراجیکٹ 16 سال سے مکمل نہ ہونے اورمنچھر جھیل میں گندے پانی کی آمیزش کا حل نہ نکالنے پر برہمی کا اظہار کیا۔جسٹس قاضی فائزعیسی نے ریمارکس دیئے کہ وفاق اور سندھ دونوں حکومتیں کام کرنے کو تیار نہیں منچھرجھیل آلودگی سے تباہ ہورہی ہے لیکن یہ طے نہیں ہوپایا کہ منصوبہ کس کا ہے، سب ٹیکس پر پل رہے ہیں مگر کوئی کام کرنے کو تیار نہیں سارا کام ٹھیکے پر چل رہا ہے تو وفاقی و صوبائی حکومتوں کو بھی ٹھیکے پر دے دیں۔جسٹس قاضی فائز عیسی کا کہنا تھا کہ منصوبے میں وفاقی و صوبائی حکومت کے درمیان تنازع لگتا ہے، یہ ہمارا کام نہیں کہ دو حکومتوں کا تنازعہ حل کریں، آئین میں تنازعے کا حل موجود ہے فوجی آمروں کے دور میں من مانی ہوتی ہے جمہوری دور میں آئین کے ذریعے حل نکالا جاتا ہے یہ وفاق اور صوبے کے مابین عدم تعاون کی بدترین مثال ہے۔جسٹس امیر ہانی مسلم نے ریمارکس دیئے کہ بااثر افراد کی جھیلوں میں گندا پانی کیوں نہیں ڈالا جاتا، ہمت ہے تو وہاں گندا پانی ڈال کر دکھائیں اگرایک ماہ میں مسئلہ حل نہ ہوا تو وزیراعظم اور وزیر اعلی سندھ کو بلائیں گے۔ عدالت نے تنازعہ ختم کرنے کیلئے دونوں حکومتوں کو ایک ماہ کی حتمی مہلت دے دی۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.