پاکستان میں خواتین کو جمہوریت میں مساوی مواقع حاصل ہیں، مریم نواز

پیر 13 مارچ 2017 11:36

پاکستان میں خواتین کو جمہوریت میں مساوی مواقع حاصل ہیں، مریم نواز
اسلام آباد (اُردو پوائنٹ اخبارتازہ ترین - آئی این پی۔ 13 مارچ2017ء) مسلم لیگ (ن) کی رہنما مریم نواز نے کہا ہے کہ پاکستان میں خواتین کو جمہوریت میں مساوی مواقع حاصل ہیں‘ حضرت خدیجہؓ اور فاطمہ جناح مسلمانوں کی تاریخ میں خواتین کے لئے مشعل راہ ہیں‘ معاشرے کی ذمہ داری ہے وہ خواتین کو مردوں کے شانہ بشانہ کردار کا ہے مواقع فراہم کرے ‘ خواتین کو غربت اور خوف کی فضا سے نکالنا وقت کی ضرورت ہے‘ پہلی شہید خاتون پائلٹ مریم مختار کی زندگی خواتین کے لئے مثال ہے‘ خواتین پارلیمنٹرینز معاشرے میں بڑی تبدیلی لاسکتی ہیں۔

پیر کو اسلام آباد میں ویمن پارلیمانی کاکس کے زیر اہتمام بین الاقوامی کانفرنس سے خطاب کرتے ہوئے مریم نواز نے کہا کہ خواتین کو بااختیار بنانے کے لئے ویمن کاکس کا کردار اہم ہے ویمن کاکس کے کامیاب انعقاد پر مبارکباد پیش کرتی ہوں۔

(جاری ہے)

دنیا میں خواتین کا کردار کبھی آسان نہیں رہا دنیا کی نامور کمپنیوں میں خواتین مرکزی کردار ادا کررہی ہیں۔

انہوں نے کہا کہ معاشرے کی ذمہ داری ہے کہ وہ خواتین کو مردوں کے شانہ بشانہ کردار کے لئے مواقع فراہم کرے۔ پاکستان میں خواتین کو جمہوریت میں مساوی مواقع حاصل ہیں۔ خواتین کو غربت اور خوف کی فضا سے نکالنا وقت کی ضرورت ہے۔ مریم نواز نے کہا کہ ملالہ یوسف زئی نوبل انعام حاصل کرنے والی کم عمر ترین لڑکی ہے پہلی شہید خاتون پائلٹ مریم مختار کی زندگی خواتین کے لئے مثال ہے حضرت خدیجہؓ اور فاطمہ جناح مسلمانوں کی تاریخ میں خواتین کے لئے مشعل راہ ہیں۔ انہوں نے کہا کہ خواتین پارلیمنٹرین معاشرے میں بڑی تبدیلی لاسکتی ہیں مردوں کی کامیابی کے پیچھے خواتین کا ہاتھ ہوسکتا ہے۔