ملک کی تعمیر و ترقی میں انجینئرز کا کردار بہت اہم ہے،انجینئر حافظ نعیم الرحمن
حالات کے باعث کراچی میں افرادی قوت کی تیار ی میں مسائل کا سامنا رہا ہے ،مایوسیوں کے بجائے عزم کیساتھ آگے بڑھنا ہوگا، امیر جماعت اسلامی کراچی کا سیمینار سے خطاب
اتوار 12 مارچ 2017 21:41
(جاری ہے)
ان خیالات کا اظہار انہوں نے پروفیشنلز کے لیے قائم ادارے پاکستان انجینئرز فورم کراچی کے تحت مقامی ہوٹل میں منعقدہ ’’کیریئر گائیڈنس سیمینار فار ینگ انجینئرز ‘‘سے خطاب کرتے ہوئے کیا ۔
سیمینار سے پاکستان انجینئرنگ کونسل سندھ چیپٹر کے نائب صدر ممتاز شیخ ،پاکستان انجینئر فورم کراچی کے صدر عزیز الدین ظفر ،انجینئر بشیر لاکھانی ،انجینئر ہمایوں قریشی ، انجینئر احمد معاذ فوزی ،ہینو پاک کے ریٹائرڈ جی ایم ایچ آر محمد اکرم نے سی وی رائٹنگ اینڈ انٹرویو اسکلز ،ٹریننگ امپیکٹ کے سی ای او حارث محمود ، ای اینڈ ای ایکسپرٹ کے سی ای اوحافظ فرقان نے کیریئر لانچنگ پیڈ کے موضوع پر خطاب کیا جبکہ ایک پینل ڈسکیشن بھی ہوا جس میں سعید الرحمن ، حافظ مزمل اور حافظ فرقان نے شرکاء کے سوالات کے جوابات دیے ۔ سیمینار میں مختلف اداروں سے وابستہ سینئر انجینئرز اور ینگ انجینئرز کی بڑی تعداد نے شرکت کی۔ انجینئر حافظ نعیم الرحمن نے کہاکہ پاکستان انجینئر فورم کی جانب سے ینگ انجینئرز کے لیے کی گئی یہ کاوش قابل ستائش ہے اور یہ کوشش اورسرگرمی نئے آنے والوں کے لیے مفید ثابت ہوگی ۔اس طرح کی اکیڈمک سرگرمیاں آئندہ بھی جاری رہنی چاہیئے ۔ انہوںنے کہا کہ ہمارے لیے نبی کریم ؐکی سنت اور طریقہ ہی ہمارے لیے سب سے اہم ہے اور یہی نجات کا واحد راستہ ہے ۔اللہ تعالیٰ نے رسول اللہ ؐکو پیغمبر بناکر بھیجا اس لیے کہ وہ اللہ کی زمین پر اللہ کے قانون کی حکمرانی قائم کریں اور اللہ کے دین کو غالب کریں ۔ یہ دین غالب ہونے کے لیے آیا ہے اور اب ہمارا اور امت مسلمہ کے ہر فرد کی ذمہ داری ہے کہ وہ غلبہ دین کے لیے جدوجہد کرے ۔انہوںنے کہا کہ جماعت اسلامی اقامت دین کے لیے تحریک اور جدوجہد جاری ہے پروفیشنلز بھی اپنی صلاحیتوں کے ذریعے تحریک اور جدوجہدکا حصہ بنیں۔یہ نے اسی لیے بنایا گیاہے کہ اس کے ذریعہ ماہرین اور اہلیت رکھنے والوں کو اپنے ساتھ شامل کریں اور ان تک دعوت اور پیغام پہنچائیں ۔انہوں نے کہا کہ ترکی کے بارے میں لوگوں کا خیال تھا کہ یہ مغربی تہذیب میں رنگ گیا ہے اور یورپ کاحصہ بن گیا ہے لیکن حقیقت میں ترکی کے اندر اسلام ایک مؤثر اور متحرک قوت کی صورت میں موجود ہے ۔ترکی کے صدر طیب رجب اردگان نے ہمیشہ اور ہر موقع پر امت مسلمہ کے مسائل پر آگے بڑھ کر اور دوٹوک انداز میں آواز اٹھائی ہے ۔ترکی کے انجینئر زنے بہت جدوجہد کی ہے جو ہمارے لیے مثال ہے ۔انہوں نے کہا کہ ملک کے ادارے تباہ کردیے گئے ہیں اور اس میں ہمارے حکمرانوں کا بڑا عمل دخل ہے۔ شہر کے اندر انفرااسٹکچر تباہ ہے و برباد ہے ۔ ضرورت اس بات کی ہے کہ ہر شعبہ سے وابستہ افراد آگے بڑھ کر تعمیر اور ترقی کے کام میں اپنا حصہ ڈالیں۔ انہوں نے کہا کہ ملک کی تعمیر و ترقی میں انجینئرز کا کردار بہت اہم ہے۔ پاکستان انجینئرز فورم سینئر اور ینگ انجینئرز کے لیے ایک مؤثر اور فعال پلیٹ فارم ہے ۔متعلقہ عنوان :
مزید اہم خبریں
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.