آئندہ 24گھنٹوں کے دوران بالائی مقامات پر بارش اور ہلکی برفباری کا امکان

اتوار 12 مارچ 2017 11:51

اسلام آباد (اُردو پوائنٹ اخبارتازہ ترین - آئی این پی۔ 12 مارچ2017ء) محکمہ موسمیات نے کہا ہے کہ آئندہ چوبیس گھنٹوں کے دوران کشمیر،گلگت بلتستان،ہزارہ،راولپنڈی،گوجرانوالہ،لاہور ڈویژن اور اسلام آباد میں بعض مقامات پر گرج چمک کے ساتھ بارش اور پہاڑوں پر ہلکی برف باری کا امکان ہے۔

(جاری ہے)

چوبیس گھنٹوں کے دوران ملک کے بیشتر علاقوں میں موسم خشک رہے گا تاہم کشمیر،گلگت بلتستان،ہزارہ،راولپنڈی،گوجرانوالہ،لاہور ڈویژن اور اسلام آباد میں بعض مقامات پر گرج چمک کے ساتھ بارش اور پہاڑوں پر ہلکی برف باری کا امکان ہے۔ اس دوران بعض مقامات پرژالہ باری کا بھی امکان ہے۔ سندھ اور بلوچستان میں موسم خشک رہنے کے علاوہ تیز ہوائیں بھی چلنے کا امکان ہے۔