پولیس کا کلورکوٹ کے مختلف علاقوں میں سرچ آپریشن،،30افراد گرفتار، بائیو میٹرک تصدیق کے بعد 21 رہا

ہفتہ 11 مارچ 2017 13:46

بھکر۔11 مارچ(اُردو پوائنٹ اخبارتازہ ترین - اے پی پی۔ 11 مارچ2017ء) کلورکوٹ پولیس کا کلورکوٹ کے مختلف علاقوں میں سرچ آپریشن کے دوران 30افرادکو گرفتار جبکہ بائیو میٹرک تصدیق کے بعد 21کو رہا کر دیا گیا۔

(جاری ہے)

تفصیلات کے مطابق تھانہ کلورکوٹ کے نئے ایس ایچ او محمد افضال وڑائچ ان کی ٹیم نے کلورکوٹ کے مختلف علاقوں ذمیوالہ،سعید والہ،آہیراں والہ سمیت دیگر علاقوں میں سرچ آپریشن کیا دوران سرچ آپریشن پولیس نے آٹھ ملزمان حاکم علی،محمد عثمان،غلام قاسم،طالب حسین،محمد عمران جانی،آصف شیراز،عمران اور کفایت اللہ کو گرفتار کر لیا ہے جبکہ دوران سرچ آپریشن ایک ملزم کامران کو گرفتار کر لیا جس سے 1250گرام چرس برآمد ہوئی ہے۔

دوران سرچ آپریشن 21مشکوک افراد کو بھی گرفتار کیا گیا جن کو بائیو میٹرک تصدیق کے بعد رہا کر دیا گیا۔