کابل میں امریکی سفارتخانے کے قریب ملٹری ہسپتال پر فائرنگ اور خودکش حملہ،30افراد ہلاک، 60 زخمی
ہلاکتوں میں اضافے کا خدشہ،داعش نے ذمہ داری قبول کرلی، صدراشرف غنی کی شدید مذمت سردار داد خان ہسپتال کے صدر دروازے پر ایک خود کش حملے کے بعد3 مزید حملہ آور عمارت کے اندر داخل ہوئے،شدت پسند ڈاکٹروں کے حلیے میں تھے،ترجمان افغان وزات دفاع اس حملے نے انسانی اقدار کی خلاف ورزی کی ہے، تمام مذاہب میں ہسپتال کو حملوں سے محفوظ مقام قرار دیا گیا ہے اس پر حملہ کرنا پورے افغانستان پر حملہ کرنا ہے،افغان صدر کا مذمتی بیان
بدھ 8 مارچ 2017 22:50
(جاری ہے)
حملے میں 30 افراد ہلاک اور 60 سے زائد زخمی ہوگئے ۔افغان وزراتِ دفاع کے ترجمان دولت وزیری کا کہنا تھا سردار داد خان ہسپتال کے صدر دروازے پر ایک خود کش حملے کے بعد تین مزید حملہ آور عمارت کے اندر داخل ہوئے۔
عینی شاہدین کا کہنا ہے کہ یہ شدت پسند ڈاکٹروں کے حلیے میں تھے۔شدت پسند تنظیم دولتِ السامیہ نے اں حملے کی ذمہ داری قبول کی ہے۔افغان حکام کا کہنا ہے کہ حملہ آور ابھی بھی ہسپتال کے اندر موجود ہیں اور لڑائی جاری ہے۔ ہسپتال کے قریب ایک دھماکے کی آواز بھی سنی گئی۔مریضوں کے لیے 400 بستروں پر مشتمل یہ ہسپتال کابل میں امریکی سفارتخانے کے قریب ہے۔حکام کا کہنا ہے کہ تمام مریضوں کو نکال لیا گیا ہے۔ادھر ہسپتال کے ایک اہلکار نے بتایا کہ انھوں نے ایک حملہ آور کو ڈاکٹر کا کوٹ پہننے دیکھا تھا، اور اس شخص نے کوٹ کے نیچے سے رائفل نکالی اور فائرنگ کر کے دو لوگوں کو گولیاں مار دیں۔ ایک سکیورٹی اہلکار کے حوالے سے بتایا ہے کہ خودکار ہتھیاروں سے لیس 3-5 حملہ آور ہسپتال میں داخل ہوئے اور انھوں نے تیسری اور چوتھی منزل پر مورچہ سنبھال لیا تھا۔افغان صدر اشرف غنی نے حملے کی شدید مذمت کرتے ہوئے کہاکہ اس حملے نے انسانی اقدار کی خلاف ورزی کی ہے۔انھوں نے کہا کہ تمام مذاہب میں ہسپتال کو حملوں سے محفوظ مقام قرار دیا گیا ہے اور اس پر حملہ کرنا پورے افغانستان پر حملہ کرنا ہے۔تقریبا ایک ہفتے قبل کابل میں بھی دو خودکش دھماکوں میں 16 افراد ہلاک ہوگئے تھے جبکہ جنوری میں کابل میں افغان پارلیمان کے قریب دہرے دھماکوں میں کم از کم 30 افراد ہلاک اور درجنوں زخمی ہو ئے ۔مزید بین الاقوامی خبریں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
-
دنیا کے بہترین شوہر نے تحفے میں بیوی کو آدھی حکمرانی دیدی
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
میلان میں رات 12 بجے کے بعد آئس کریم پر پابندی کا فیصلہ
-
ایران سے تجارت کے خواہشمند پابندیوں سے خبردار رہیں، امریکا
-
سیاسی پناہ گزینوں کو جلد روانڈا منتقل کیا جائے گا، برطانوی وزیراعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.