پاک فوج قطر کے ساتھ دفاعی تعاون کو مزید فروغ دینا چاہتی ہے ، پر خلوص میزبانی پر امیر قطر کا شکر گزار ہوں

آرمی چیف جنرل قمر جاوید باجوہ کی امیر قطر سے ملاقات میں گفتگو ، خطے کی سیکیورٹی صورتحال اور دوطرفہ دفاعی تعاون بارے تبادلہ خیال علاقائی سلامتی میں پاکستان کا کردار انتہائی مثبت ہے ، قطری افواج کو مضبوط بنانے میں پاکستان کا کردار قابل تعریف ہے، شیخ تمیم حماد الثانی

بدھ 8 مارچ 2017 22:29

پاک فوج قطر کے ساتھ دفاعی تعاون کو مزید فروغ دینا چاہتی ہے ، پر خلوص ..

راولپنڈی(اُردو پوائنٹ اخبارتازہ ترین - آئی این پی۔ 08 مارچ2017ء) آرمی چیف جنرل قمر جاوید باجوہ نے کہا ہے کہ پاک فوج قطر کے ساتھ دفاعی تعاون کو مزید فروغ دینا چاہتی ہے ، پر خلوص میزبانی پر امیر قطر کا شکر گزار ہوں ۔ پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے کویت میں امیر قطر شیخ تمیم حماد الثانی سے ملاقات کی جس میں خطے کی سیکیورٹی صورتحال اور دوطرفہ دفاعی تعاون پر بات چیت کی گئی ۔

(جاری ہے)

امیر قطر نے دوطرفہ تعلقات مزید مستحکم بنانے پر اظہار تشکر کرتے ہوئے کہا کہ پاکستان قطر کے درمیان مضبوط اسٹریٹجک تعلقات ہیں ۔ امیر قطر نے پاک فوج کے کردار کو سراہتے ہوئے کہا کہ دہشت گردی کے خلاف پاک فوج کی کامیابیاں قابل تحسین ہیں ۔ علاقائی سلامتی میں پاکستان کا کردار انتہائی مثبت ہے ، قطری افواج کو مضبوط بنانے میں پاکستان کا کردار قابل تعریف ہے ۔ آرمی چیف جنرل قمر جاوید باجوہ نے کہا کہ پرخلوص میزبانی پر امیر قطر کا شکریہ ادا کرتا ہوں ۔ قطر کے ساتھ دفاعی شعبے میں تعاون کو مزید بڑھانا چاہتے ہیں ۔ (ار)