گورنر سندھ محمد ز بیر کی پیر پگارا سے ملاقات ،امن و امان کی صوتحال ، سیاسی حالات اور دوسرے اہم امور پر تبادلہ خیال

اس وقت صوبے کو جن مسائل کا سامنا ہے وہ مسائل ایک دن میں حل نہیں ہوسکتے بلکہ ان پر قابو پانے میں وقت لگے گا ، گورنر سندھ ملک انتہائی نازک دور سے گزر رہا ہے فیڈریشن کی بقا اور استحکام کے لئے تمام سیاسی جماعتوں کو مل کر کام کرنا چاہیے، پیر پگارا

منگل 7 مارچ 2017 22:33

گورنر سندھ محمد ز بیر کی پیر پگارا سے ملاقات ،امن و امان کی صوتحال ، ..

کراچی (اُردو پوائنٹ اخبارتازہ ترین - این این آئی۔ 07 مارچ2017ء) گورنر سندھ محمد زبیر نے منگل کو حروں کے روحانی پیشوا اور مسلم لیگ فنکشنل کے صدر پیر صبغت اللہ شاہ راشدی سے ان کی قیام گاہ راجہ ہائوس میں ملاقات کی ۔ اس موقع پر سندھ میں امن و امان کی صوتحال ، سیاسی حالات اور دوسرے اہم امور پر تبادلہ خیال کیا گیا۔ اس موقع پر گورنر سندھ نے گفتگو کرتے ہوئے کہا کہ اس وقت صوبے کو جن مسائل کا سامنا ہے وہ مسائل ایک دن میں حل نہیں ہوسکتے بلکہ ان پر قابو پانے میں وقت لگے گا اور اس سلسلے میں سب کو مل جل کر کام کرنا ہوگا۔

گونر سندھ کا کہنا تھاکہ حکومت سندھ حالات کی درستگی اور کرپشن کے خاتمے کے لئے کام کررہی ہے جس کے مثبت نتائج سامنے آئیں گے۔ اس موقع پر پیر پگارا کا کہنا تھا کہ اس وقت ملک انتہائی نازک دور سے گزر رہا ہے فیڈریشن کی بقا اور استحکام کے لئے تمام سیاسی جماعتوں کو مل کر کام کرنا چاہیے۔

(جاری ہے)

انہوں نے کہا کہ مسلم لیگ فنکشنل نے ہمیشہ مضبوط فیڈریشن کی بات کی ہے اور ملک میں دہشت گردی کے خلاف پاک فوج نے رد الفساد کے نام سے جو آپریشن شروع کیا ہے اس کی ہم بھر پور تائید و حمایت کرتے ہیں۔

گورنر سندھ نے پیر پگارا سے کہا کہ وہ صوبے میں ہم آہنگی اور بہتر سیاسی ماحول کے خواہشمند ہیں اسی لئے تمام سیاسی جماعتوں اور زندگی کے مختلف شعبوں سے تعلق رکھنے والے افراد سے ملاقاتیں اور رابطے کررہے ہیں تاکہ ان کی مشاورت کے ساتھ سندھ کی بہتر انداز مین خدمت کی جاسکے۔