تحریک انصاف نے لاہور میں پی ایس ایل کا فائنل رکوانے کیلئے پنجاب اسمبلی میں قرارداد جمع کرادی

محمد علی منگل 28 فروری 2017 19:51

لاہور(اُردو پوائنٹ اخبارتازہ ترین۔ 28 فروری2017ء) تحریک انصاف نے لاہور میں پی ایس ایل کا فائنل رکوانے کیلئے پنجاب اسمبلی میں قرارداد جمع کرا دی ہے۔ تفصیلات کے مطابق پی ایس ایل کا فائنل لاہور میں کرانے کے فیصلے پر تحریک انصاف کی جانب سے پنجاب اسمبلی میں قرارداد جمع کرائی گئی ہے۔

(جاری ہے)

قرارداد کے متن کے متن میں لکھا گیا ہے کہ سیکورٹی رسک کے باعث پی ایس ایل کا فائنل لاہور میں نہ کرایا جائے۔ غیر ملکیوں سمیت ہزاروں لوگ ایونٹ میں شرکت کریں گے اور سیکورٹی رسک کی صورت میں ان سب کی جان کو خطرہ ہو گا۔ قرارداد پی ٹی آئی کی رکن اسمبلی برائے اقلیتی امور شنیلا روتھ نے جمع کرائی۔