تہذیبوں کے تصادم کی سوچ کو تہذیبوں کے مابین گفت و شنید سے بدلنا ہو گا
قیام امن کا عالمی منصوبہ بنانے کی ضرورت ہے، چیئرمین سینیٹ میاں رضا ربانی
منگل 28 فروری 2017 20:29
(جاری ہے)
چیئرمین سینیٹ کیوبا کے دورہ کے دوران سینیٹ کے پارلیمانی وفد کی قیادت کر رہے ہیں جس میں سینیٹرز مشاہد حسین سیّد، ڈاکٹر جہانزیب جمالدینی، شاہی سیّد، لیفٹیننٹ جنرل (ر) صلاح الدین ترمذی، گیان چند، محسن عزیز، نثار محمد خان اور سیکرٹری سینیٹ امجد پرویز ملک شامل ہیں۔
چیئرمین سینیٹ نے کہا کہ کیوبا کا دورہ ان کیلئے ایک خوش کن احساس سے کم نہیں ہے، وہ گزشتہ سال کیوبا کے دورہ اور عظیم لیڈر فیدل کاسترو سے ملنے کے خواہشمند تھے۔ انہوں نے کہا کہ مغربی سامراجیت نے متعدد ممالک میں اپنے توسیع پسندانہ عزائم کی تکمیل کیلئے امن اور استحکام کو سبوتاژ کیا ہے ۔ انہوں نے اپنی قوم کیلئے فیدل کاسترو کی خدمات کو سراہتے ہوئے کہا کہ فیدل کاسترو نے سپر پاور کی آنکھ میں آنکھ ڈال کر دیکھنا سکھایا، قومی مفاد کو ترجیح دینے اور عوام کی فلاح و بہبود کیلئے کام کرنے کو اپنا شعار بنایا۔ چیئرمین سینیٹ نے کہا کہ کیوبا کے عوام نے نہ صرف ایک لیڈر بلکہ ایک دوست اور کامریڈ کھویا ہے۔ چیئرمین سینیٹ نے کہا کہ فیدل کاسترو غریب اور پسے ہوئے طبقہ کیلئے امید کی ایک کرن تھے۔ انہوں نے کہا کہ فیدل کاسترو نے امریکی سامراجی نظام کے خلاف اپنے عوام کی نمائندگی کی اور وہ اس نظام کا حصہ نہ بنے۔ فیدل کاسترو سمیت دنیا کے عظم رہنمائوں جمال عبدالناصر اور ذوالفقار علی بھٹو کو امریکی سامراجی نظام نے غیر مستحکم کیا۔ انہوں نے کہا کہ پاکستان اور کیوبا نے ہمیشہ مشکل گھڑی میں ایک دوسرے کا ساتھ دیا ہے۔ انہوں نے کہا کہ کیوبن حکومت نے 1200 سے زائد پاکستانی طلباء کو وظائف دیئے ہیں۔ اس کے ساتھ ساتھ پاکستانی قوم زلزلہ کے دوران کیوبا کی جانب سے کی گئی معاونت پر بھی شکر گزار ہے۔ میاں رضا ربانی نے کہا کہ دونوں ملکوں کے مابین پارلیمانی تعلقات کو مزید فروغ دینے کی ضرورت ہے جس کے تحت پاکستان کی پارلیمنٹ اور کیوبا کی قومی اسمبلی کے مابین معلومات کا تبادلہ ، ایک دوسرے کے تجربات سے استفادہ اور وفود کا تبادلہ کیا جا سکتا ہے۔ انہوں نے کہا کہ دونوں ملکوں کے مابین پارلیمانی، سماجی اور سیاسی تعلقات کو بھی مزید پروان چڑھا نے کی ضرورت ہے۔ انہوں نے کیوبن قومی اسمبلی کے صدر کو دورہ پاکستان کی بھی دعوت دی۔مزید اہم خبریں
-
صدرمملکت آصف علی زرداری سے انٹرنیشنل اسلامی یونیورسٹی کے صدر ڈاکٹر هذال بن حمود العتيبي اور ریکٹر ڈاکٹر ثمینہ ملک کی ملاقات
-
ہم ایک ایسا معاشرہ بنائیں گے جس کا خواب قائد نے دیکھا تھا، وزیراعظم شہباز شریف
-
جو نام بانی پی ٹی آئی دیں گے وہی چیئرمین پی اے سی ہو گا، عمرایوب
-
پارٹی کے اندرونی معاملات پر پارٹی میں ہی بحث کرنی ہے، چیئرمین پی ٹی آئی کا شیرافضل مروت کو انتباہ
-
9 مئی کو پی ٹی آئی نے پرامن احتجاج کیا، پارٹی نے کسی کو پرتشدد ہونے کا نہیں کہا
-
یرغمال تفریح گاہیں
-
رشوت خوری کا الزام، روس کے نائب وزیر دفاع گرفتار
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
تحریک انصاف کی پانچ فرنچائز ہیں ہر کسی کا اپنا مؤقف ہے
-
ایران کے صدرڈاکٹرابراہیم رئیسی دورہ پاکستان مکمل کرکے واپس روانہ
-
وزیراعظم کا کراچی کے لیے 150 بسیں دینے کا اعلان
-
معاشی استحکام کے لیے وفاق اور صوبوں کو مل کر کام کرنا ہوگا،وزیراعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.