تہذیبوں کے تصادم کی سوچ کو تہذیبوں کے مابین گفت شنید کے عمل سے بدلناہوگا اور قیام امن کا عالمی منصوبہ بنانے کی ضرورت ہے، مغربی سامراجی قوتوں نے ہمیشہ ان عالمی رہنمائوں کو غیر مستحکم کرنے کی کوشش کی جنہوں نے عالمی طاقتوں کی اجارہ داری کے خلاف آواز بلند کی اور اپنے قومی مفاد کے تحفظ اور عوام کی فلاح وبہبود کو ترجیح دی، سپر پاورز کی معیشت جنگ سے متعلق ٹیکنالوجی سے وابستہ ہے اس لئے ہمیں قیام امن کیلئے ان طاقتوں کی جانب نہیں دیکھنا چاہیے
چیئرمین سینیٹ میاں رضاربانی کی کیوبن قومی اسمبلی کے صدر استیبان لازو ہرناندز سے گفتگو
منگل 28 فروری 2017 17:49
(جاری ہے)
چیئرمین سینیٹ کیوبا کے دورے کے دوران سینیٹ کے پارلیمانی وفد کی قیادت کر رہے ہیں جس میں سینیٹرز مشاہد حسین سید، ڈاکٹر جہانزیب جمال دینی ، شاہی سید ، لیفٹینٹ جنرل (ر) صلاح الدین ترمذی، گیان چند ، محسن عزیز ، نثا ر محمد خان اور سیکرٹری سینیٹ امجد پرویز ملک شامل ہیں ۔
چیئرمین سینیٹ نے کہا کہ کیوبا کا دورہ ان کیلئے ایک خوش کن احساس سے کم نہیں ہے وہ گزشتہ سال کیوبا کے دورے اور عظم لیڈر فیدل کاسترو سے ملنے کے خواہش مند تھے۔ انہوں نے کہا کہ مغربی سامراجیت نے متعدد ممالک میں اپنے توسیع پسندانہ عزائم کی تکمیل کیلئے امن اور استحکام کو سبوتاژ کیا ہے ۔ اوران ممالک میں وسائل پر قبضہ کرنے کیلئے جنگی صورتحال پیدا کی ہے ۔انہوں نے اپنی قوم کیلئے فید ل کاسترو کی خدمات کی بھر پور تحسین کرتے ہوئے کہا کہ فیدل کاسترونے سپر پاور کی آنکھ میں آنکھ ڈال کردیکھنا سیکھایا اور قومی مفاد کو ترجیح دینے اور عوام کی فلاح و بہبود کیلئے کام کرنے کو اپنا شعار بنایا ۔ چیئرمین سینیٹ نے کہا کہ کیوبا کی عوام نے نہ صرف ایک لیڈر بلکہ ایک دوست اور کامریڈ کھویا ہے ۔ چیئرمین سینیٹ نے کہا کہ فیدل کاسترو غریب اور پسے ہوئے طبقے کیلئے امید کی ایک کرن تھے ۔ انہوں نے کہا کہ فیدل کاسترو نے امریکی سامراجی نظام کے خلاف اپنے عوام کی نمائندگی کی اور سامراجی نظام کا حصہ نہ بنے ۔ فیدل کاسترو سمیت دنیا کے عظم رہنمائوں جن میں جمال عبدالناصر اور زوالفقار علی بھٹو شامل ہیں کو امریکی سامراجی نظام نے غیر مستحکم کیا ۔ انہوں نے کہا کہ پاکستان اور کیوبا نے ہمیشہ مشکل گھڑی میں ایک دوسرے کا ساتھ دیا ہے ۔ انہوں نے کہا کہ کیوبن حکومت نے 1200 سے زائد پاکستانی طلباء کو وظائف دیئے ہیں ۔ اس کے ساتھ ساتھ پاکستانی قوم زلزلے کے دوران کیوبا کی جانب سے کی گئی معاونت پر بھی شکر گزار ہے ۔میاں رضاربانی نے کہا کہ دونوں ملکوں کے مابین پارلیمانی تعلقات کو مزید فروغ دینے کی ضرورت ہے ۔ جس کے تحت پاکستان کی پارلیمنٹ اور کیوبا کی قومی اسمبلی کے مابین معلومات کا تبادلہ ، ایک دوسرے کے تجربات سے استعفادہ ، اور وفود کا تبادلہ کیا جا سکتا ہے ۔ انہوں نے کہا کہ دونوں ملکوں کے مابین پارلیمانی ، سماجی ، اور سیاسی تعلقات کو بھی مزید پروان چڑھا نے کی ضرورت ہے ۔ انہوں نے کیوبن قومی اسمبلی کے صدر کو دورہ پاکستان کی بھی دعوت دی ۔ (ع ع)متعلقہ عنوان :
مزید اہم خبریں
-
اڈیالہ جیل والے صاحب کے دور میں پاکستان تنہائی کا شکار تھا، اب وہ معاملہ ختم ہو چکا، خارجہ پالیسی کے خلاف باتیں کرنے والے ماضی کا قصہ بن چکے ہیں، وفاقی وزیر اطلاعات عطاءاللہ تارڑ کی پریس کانفرنس
-
دیگر ممالک کے ساتھ فضائی روابط کو فروغ دینے کی ضرورت ہے، عوامی روابط بڑھا کر سیاحتی شعبے کی صلاحیت سے بھرپور استفادہ کیا جا سکتا ہے، صدر آصف علی زرداری کی وفد سے گفتگو
-
پاکستان کی آئی ٹی برآمدات میں 339 ملین ڈالر کا ریکارڈ اضافہ
-
فرانس سے برطانیہ داخلے کی کوشش میں ایک بچے سمیت پانچ افراد ہلاک
-
شاہد خاقان، مفتاح اسمٰعیل کے خلاف ایل این جی ریفرنس پر سماعت 25 مئی تک ملتوی
-
سپیکر قومی اسمبلی سےسعودی عرب کے سفیر کی پارلیمنٹ ہائوس میں ملاقات، پاک سعودی تعلقات کومزید وسعت دینے کے عزم کا اظہار
-
پاکستانی سفیرخلیل ہاشمی کا چینی صوبہ شان ڈونگ کے شہر لینئی کا دورہ ،سرمایہ کاری سمپوزیم سے خطاب کیا
-
ریاستی ناخداؤں کے پاس اب بھی وقت ہے پیچھے ہٹ جائیں، ترجمان پی ٹی آئی
-
عوام سعودی عرب اور خادمین حرمین الشریفین سے گہری وابستگی رکھتے ہیں،ایاز صادق
-
سعودی عرب جلد پاکستان میں 5 ارب ڈالر کی سرمایہ کاری کرے گا ، سرمایہ کاری کے فروغ کیلئے ایس آئی ایف سی کا کردار قابل ستائش ہے، احسن اقبال
-
نئی حکومت کے پہلے ماہ میں ایران سے سالانہ بنیادوں پر درآمدات میں 25فیصد کا بڑا اضافہ
-
ایرانی صدر کی لاہور آمد کے پیش نظر سکیورٹی کے غیر معمولی انتظامات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.