قومی اسمبلی کی قائمہ کمیٹی برائے اطلاعات‘ نشریات و قومی ورثہ نے قومی ورثہ و ادبی ڈویژن کے مختلف جاری اور نئے منصوبوں کے ضمن میں پی ایس ڈی پی کے لئے تجاویز کی منظوری دیدی‘ نیشنل کونسل آف آرٹس‘ لوک ورثہ‘ بیرون ممالک کی چیئرز‘ نیشنل آرکائیو ز وزارت اطلاعات و نشریات کے ماتحت کرنے اور فنکاروں ‘مصوروں اور موسیقاروں کے لئے الگ فنڈ قائم کرنے کی سفارش
منگل 28 فروری 2017 15:02
(جاری ہے)
قومی ورثہ و ادبی ڈویژن کے حکام نے کمیٹی کو بریفنگ دیتے ہوئے بتایا کہ اسلام آباد میں بین الاقوامی سطح کا کوئی میوزم نہیں ہے‘لوک ورثہ میں ایک میوزم کی تعمیر کا منصوبہ ہے ، ابتدائی طور پر اسکی ڈیزائننگ کیلئے تقریباً 30 لاکھ روپے ‘ کمپوٹرایزڈ اردو ڈکشنری اور سوفٹ وئیر فار موبائل ایپ کے لئے 14.36ملین ‘نیشنل بک فاونڈیشن کے لئے نئے آلات کی خریداری کے لئے 2 کروڑ 80 لاکھ ‘کراچی میں شہر کتاب کی تعیمر کے لئے ایک کروڑ 10 لاکھ روپے ‘ قومی زبان کی ترقی کے لئے ایک کروڑ روپے‘پاکستان اکادمی ادبیات میں مزید کمروں کی تعمیر کے لئے ایک کروڑ 50 لاکھ روپے سمیت 20منصوبہ جات کو پی ایس ڈی پی 2017-18میں شامل کرنے کی تجاویز پیش کیں جو کمیٹی نے اتفاق رائے سے منظور کر لیں ۔
وزیراعظم کے مشیر برائے قومی ورثہ و ادبی ڈویژن عرفان صدیقی نے کمیٹی کو بتا یا کہ ہمارے ڈویژن نے رولز اور ڈرافٹنگ کے لئے 32 کتابیں بھی اردو فراہم کردیں ہیں۔انہوں ے کہاکہ افسران کے لئے انگریزی سے اردو میں آنے میں مشکلات ہیں تاہم اس حوالے سے کاوشیں جاری ہیں ‘ہم اب اپنی نئی نسل کو تختی اور دوات پر نہیں لاسکتے لیکن انہیں جدید ٹیکنالوجی میں اردو کے استعمال کی طرف راغب کیا جاسکتا ہے ۔انہوں نے کہا کہ وزیر اعظم نے مقامی زبانوں کی خدمات پر ایوارڈ کی تعداد 12 سے بڑھا کر 20 کر دی ہے ۔ انہوں نے بتایا کہ اردو ہماری قومی زبان ہے اور گھروں میں اب اردو بولی جاتی ہے‘ ہمیں تمام مادری زبانوں کی حوصلہ افزائی کی ضرورت ہے۔انہوں نے کہا کہ اردو زبان کا ایک سوفٹ وئیر تیار کریں گے جس میں اردو زبان سے متعلق تمام جملے اور آرٹیکلز شامل ہونگے۔انہوں نے کہا کہ لاہور میں ایوان اقبال کمپلیکس کے ائیر کنڈیشنگ نظام کو بہتر بنانے کے لئے بھی فنڈز درکار ہیں‘اس منصوبے کو وش لسٹ میں شامل کیا جائے جو پلاننگ کمیشن کو بھجوائی جائے گی۔ عرفان صدیقی نے کہا کہ نیشنل آرکائیو میں تاریخی دستاویزات کے انبار لگے ہوئے ہیں اور انھیں نقصان پہنچنے کے خدشات موجود ہیں ،یہ ادارے طویل عرصہ تک لاوارث رہے ہیں‘ہم بچ جانے والی چیزوں کو محفوظ بنانے کی کوشش کررہے ہیں ‘نیشنل آرکائیوز کے لئے کابینہ ڈویژن کو لکھا مگر وہ نہیں مانے۔انہوں نے کمیٹی کو بتایا کہ نیشنل آرکائیو اور بیرون ملک چیئرز جو قومی ورثہ ہے اس وقت لاوارث ہیں‘اسی طرح اقبال اور قائد اعظم چئیرز اور نیشنل آرکائیوز کابینہ ڈویژن کے سرسرپرستی میں ہیں ‘ کمیٹی نے ان اداروں کو وزارت اطلاعات کے ماتحت کرنے کی سفارش کی ۔ عرفان صدیقی نے کہا کہ کمیٹی نے ہماری کارکردگی پر اطمینان کا اظہار کیا جس پر کمیٹی کی رہنمائی اور سرپرستی کے شکرگزار ہیں۔کمیٹی کے ممبر عمران لغاری نے کہا کہ پاکستان کی تاریخ کا پہلا بڑا میوزم بننے جارہا ہے، کمیٹی کے تمام ممبران اسکی مکمل حمایت کرتے ہیں۔ ممبر کمیٹی ڈاکٹر اظہر جدون نے کہا کہ ہمیں منصوبوں کو دیکھ کر سفارشات دینی چاہیں جو کریں گے بہتری کے لئے کریں گے۔متعلقہ عنوان :
مزید اہم خبریں
-
اوگرانے تیل کی قیمتیں ڈی ریگولیٹ کرنے کی تردید کر دی
-
چیف جسٹس قاضی فائز عیسی نے پروٹوکول واپس کردیا
-
سپریم کورٹ نے برطرفی کیخلاف حیدرآباد ڈیولپمنٹ اتھارٹی کے ملازمین کی درخواست مسترد کردی
-
ہمیں بتائیں کہ نگران حکومت یا موجودہ حکومت نے پھر 2 اڈے سُپرپاور کو دیئے ہیں؟
-
گندم پالیسی کے خلاف کسانوں کے لاہور سمیت پنجاب بھر میں ڈی سی آفسز کے باہر احتجاجی مظاہرے
-
مودی اور راہول گاندھی سے ان کی متنازع تقاریر پر جواب طلب
-
وفاقی وزیر احسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس،ناروال سپورٹس سٹی کے نامکمل کام جلد از جلد مکمل کرنے کی ہدایت
-
حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا
-
ہمیں ملیریا کی روک تھام بارے میں آگہی اور باہمی تعاون سے کام کرنے کی ضرورت ہے،وزیراعظم
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
نواز شریف کی چین میں صحابی رسول ﷺ کے مزار پر حاضری
-
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر گزار ہوں،وزیراعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.