رینجرز نے لیاقت آباد نمبر4 میں کارروائی کرتے ہوئے اسلحہ کا بڑا ذخیرہ برآمد کرلیا

اسلحہ ایم کیوایم لندن سے تعلق رکھنے والے شرپسند عناصرنے تخریب کاری کیلئے چھپایا تھا

منگل 28 فروری 2017 13:58

کراچی(اُردو پوائنٹ اخبارتازہ ترین - این این آئی۔ 28 فروری2017ء) رینجرز نے لیاقت آباد نمبر4 میں کارروائی کرتے ہوئے اسلحہ کا بڑا ذخیرہ برآمد کرلیا ہے۔

(جاری ہے)

سندھ رینجرزکے ترجمان کی جانب سے جاری بیان کے مطابق کراچی کے علاقے لیاقت آباد نمبر4 میں ایم کیو ایم کے یونٹ 164 پرمصدقہ اطلاعات پرکارروائی کی گئی جس کے نتیجے میں یونٹ سے اسلحے کا بڑا ذخیرہ برآمد کیا گیا ۔ترجمان سندھ رینجرزکے مطابق برآمد شدہ اسلحہ میں 3 رائفل، 3 ایس ایم جی، ایک جی تھری، 8 پستول اورگولیوں کے 18 سو راؤنڈز شامل ہیں، پکڑا گیا اسلحہ ایم کیوایم لندن سے تعلق رکھنے والے شرپسند عناصرنے تخریب کاری کیلئے چھپایا تھا اوراسے ٹارگٹ کلنگ اوردہشت گردی کے لئے استعمال کیا جانا تھا۔