سپریم کورٹ نے سادہ لوح لوگوں کو حج پر بھجوانے کا جھانسہ دے کر کروڑوں روپے لوٹنے والے ملزمان کی پشاورہائیکورٹ کے فیصلے کیخلاف دائراپیل خارج کر دی،وزارت مذہبی امور کو ٹھوس حکمت عملی وضع کرکے ملک بھرمیں آگاہی مہم چلانے کی ہدایت

پیر 27 فروری 2017 22:11

اسلام آباد ۔ (اُردو پوائنٹ اخبارتازہ ترین - اے پی پی۔ 27 فروری2017ء) سپریم کورٹ نے سادہ لوح لوگوں کو حج پر بھجوانے کا جھانسہ دے کر کروڑوں روپے لوٹنے والے ملزمان کی جانب سے پشاورہائیکورٹ کے فیصلے کیخلاف دائراپیل خارج کر تے ہوئے وزارت مذہبی اموروبین الصوبائی ہم آہنگی کوہدایت کی ہے کہ اس حوالے سے ٹھوس حکمت عملی وضع کرکے ملک بھرمیں آگاہی مہم چلائی جائے، ملک بھرمیں منظور شدہ ٹور آپریٹرز کی فہرست جاری کرکے عوام کو آگاہ کیاجائے کہ وہ منظورشدہ ٹورآپریٹرز کے علاوہ جعلی اورنام نہاد ایجنسیوں کے جھانسے میں نہ آئیں عدالت نے مزید ہدایت کی کہ حج کے نام پرعوام کولوٹنے کے عمل میں اگر کوئی سرکاری اہکارملوث ہو تواس کیخلاف محکمانہ کارروائی کی جائے ، عدالت نے منظور شدہ حج ٹور آپریٹرز کو بھی ہدایت کی کہ وہ اپنے دفاتر میں لائسنس کی کاپیاں آویزاں کریں۔

(جاری ہے)