سرگودھا میں سماج دشمن عناصر کے خلاف کومبنگ آپریشن جاری

پیر 27 فروری 2017 16:35

سرگودھا۔27 فروری(اُردو پوائنٹ اخبارتازہ ترین - اے پی پی۔ 27 فروری2017ء)ڈسٹرکٹ پولیس آفیسر سرگودہا کیپٹن (ر) محمد سہیل چوہدری کی ہدایت پرتھانہ صدر ، عطاء شہید اور کڑانہ کے گردونواح میں سماج دشمن عناصر کے خلاف کومبنگ آپریشن جاری ہے۔ ضلعسرگودھا کے مختلف علاقوں میں مشکوک افراد پر کڑی نظر رکھتے ہوئے کومبنگ سرچ آپریشن جاری ہیں ۔

(جاری ہے)

ڈی ایس پی صدر ملک غلام عباس کی سربراہی میں ایس ایچ اوزصدر،عطاء شہیداور کڑانہ معہ نفری ، ایلیٹ فورس اور حساس اداروں نے ملک اورسماج دشمن عناصر کے خلاف کومبنگ آپریشن کیا ۔

دوران آپریشن 70سے زائد گھروں کی تلاشی لی گئی اور 100سے زائد افراد کے کوائف کی تصدیق بذریعہ بائیو میٹرک مشین کی گئی جبکہ 5افراد سے ناجائز اسلحہ جس میں 12بور بندوقیں اور 30بور پسٹل شامل ہیں اورایک شخص سے شراب150بوتل برآمد کرکے ان کے خلاف الگ الگ مقدمات درج کر لیے ہیں ۔اس موقع پرڈی ایس پی صدر نے کہا ہے کہ سماج دشمن عناصر کے گرد گھیرا تنگ کرکے دہشت گردوں سے آخری دم تک لڑیں گے اورہم ارض پاکستان کو امن کا گہوراہ بنائیں گے ۔

Facebook Twitter Google + Share on Whatsapp

سرگودھا میں سماج دشمن عناصر کے خلاف کومبنگ آپریشن جاری

مزید قومی خبریں