آزاد خطہ میںمجوزہ بلدیاتی انتخابات سے قبل آزاد جموں وکشمیر لوکل گورنمنٹ کے ادارہ کو مئوثر و بااختیار بنایا جائے تاکہ شہری و دہی کونسلوں کی تشکیل کے بعد انہیں بطریق احسن چلایا جائے
سابق سیکرٹری جنرل آزاد جموں وکشمیر لوکل گورنمنٹ آفیسرز ایسوسی ایشن کے ڈی چوہدری کامطالبہ
پیر 27 فروری 2017 16:32
(جاری ہے)
کے ڈی چوہدری نے کہا کہ ترقی یافتہ اور مہذب ممالک کی کامیابی اور ان کے نظام حکومت کے مستحکم ہونے کی بنیادی وجہ بلدیاتی اداروں کی اندرونی خود مختاری ہے کیونکہ منتخب بلدیاتی قیادت سے جمہوری اقدار کو فروغ ملے گا اور لوگوںکو یونین کونسل ٹائون کمیٹی ، میونسپل کارپوریشن اور ضلع کونسل کی سطح پر درپیش مسائل بلدیاتی قیادت حل کرئے گی اور ممبران قانون ساز اسمبلی اور وزراء حکومت پر کام کا بوجھ کم ہوگا اور ترقیاتی عمل کے نئے دور کا آغازہوگا۔
کے ڈی چوہدری نے تجویز پیش کی ہے کہ بلدیاتی الیکشن غیر جماعتی بنیادوں پر کرانے چاہیں اور تمام سیاسی جماعتوں کو بلدیاتی عہدیداروں کے چنائو میںکھلے دل و رواداری کا مظاہرہ کرنا چاہیے کیونکہ پارٹیوں کی باہم چپقلش سے ان اداروں سے وابستہ امیدیں اور توقعات چکنا چور ہو جائیں گے ۔ کے ڈی چوہدری نے مطالبہ کیا ہے کہ بلدیاتی الیکشن سے قبل آزاد جموں وکشمیرلوکل گورنمنٹ بورڈ کو مئوثر و بااختیار ادارہ بنایاجائے اور اسے مطلوبہ فنڈز جاری کر کے مالی طور پر مستحکم بنایاجائے کیونکہ آئندہ بلدیاتی اداروں کی کامیابی کا دار و مدار اسی ادارہ کے توسط سے ہوگا۔ پاکستان میںبلدیاتی ٹیکسوں چونگیوں کے نظام کے خاتمہ سے کئی مسائل نے جنم لیا اور پھر فوجی دور میں جنرل پرویز مشرف نے ناظمین کا نیا نظام رائج کر کے ایک کھچڑی پکا دی تھی جس کا خمیازہ آج پاکستان کے چاروں صوبے بھگت رہے ہیں۔ پاکستان کے مطالعاتی دورہ پرآنے والے کئی غیر ملکی وفود نے ماضی قریب میں اپنے تاثرات و مشاہدات میں اس بات پر حیرت و استعجاب کا اظہار کیا تھا کہ یہاں منتخب قیادت کی بجائے بلدیاتی نظام عبوری سسٹم کے تحت چلایا جارہا ہے ۔ کے ڈی چوہدری نے کہا کہ بلدیاتی نظام کی کامیابی کا دارومدار ان بنیادی اداروں کے ملازمین کی استعداد کار پر منحصر ہے گزشتہ عرصہ میںمختلف سیاسی حکومتوں نے اپنے بیروزگار کارکنوں کو کھپانیکیلئے ان اداروں کو ایمپلائمنٹ ایکسچینج بنا دیا تھا لہٰذا ملازمین کی تقرریوں و تبادلوں میںمیرٹ استحقاق اور سنیارٹی کے قواعد پر عملدرآمد یقینی بنایاجائے ۔ بلدیاتی اداروں کے ملازمین کی ماہانہ تنخواہوں کی بروقت ادائیگی اور پنشن حقوق کیلئے لوکل گورنمنٹ بورڈ کو مطلوبہ فنڈز جاری کیے جائیں تاکہ ترقی یافتہ ممالک کی طرح یہاں بھی بلدیاتی ادارے اپنا جاندار کردارادا کر سکیں جس طرح حکومت نے محکمہ تعلیم میں ملازمین کی تقرری کیلئے اصلاحات نافذ کی ہیں وہی طریقہ کار یہاں بھی اپنایا جائے تو نظام کیلئے بہترین پید اہو گی ۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.