امریکا مشرقی یوکرین میں مِنسک سمجھوتوں کے تحت جنگ بندی پر عمل درآمد میں ناکامی کا قریبی جائزہ لے رہا ہے، امریکی محکمہ خارجہ

پیر 27 فروری 2017 11:02

واشنگٹن ۔ (اُردو پوائنٹ اخبارتازہ ترین - اے پی پی۔ 27 فروری2017ء) امریکی محکمہ خارجہ نے کہا ہے کہ امریکا حالیہ ہفتوں کے دروان مشرقی یوکرین میں بڑھتے ہوئے تشدد کے واقعات اور مشترکہ روسی علیحدگی پسند افواج کی جانب سے مِنسک سمجھوتوں کے تحت جنگ بندی پر عمل درآمد میں ناکامی کا قریبی جائزہ لے رہا ہے۔

(جاری ہے)

امریکی ریڈیو کے مطابق محکمہ خارجہ کے قائم مقام ترجمان مارک سی ٹونر نے ایک بیان میں کہا ہے کہ امریکا جمعہ کو یورپی تنظیم برائے سلامتی و تعاون (او ایس سی اِی) کے خصوصی جائزہ مشن (ایس ایم ایم) کے ارکان کو نشانہ بنانے اور مشترکہ روسی علیحدگی پسند فورسز کی جانب سے ایس ایم ایم کے بغیر پائلٹ والی فضائی گاڑی کو پکڑنے کے اقدام کی مذمت کرتا ہے۔

مارک ٹونر نے کہا ہے کہ ہم روس اور علیحدگی پسند فورسز سے مطالبہ کرتے ہیں کہ فوری طور پر جنگ بندی پر عمل درآمد کیا جائے، تمام بھاری ہتھیار ہٹائے جائیں اور یورپی تنظیم برائے سلامتی و تعاون کے مبصرین کو مکمل رسائی کی اجازت دی جائے۔

Facebook Twitter Google + Share on Whatsapp

امریکا مشرقی یوکرین میں مِنسک سمجھوتوں کے تحت جنگ بندی پر عمل درآمد میں ناکامی کا قریبی جائزہ لے رہا ہے، امریکی محکمہ خارجہ

متعلقہ عنوان :

مزید بین الاقوامی خبریں