خیبرپختونخوا کی مالی ، معاشی اور سماجی بنیادوں کو مضبوط کرنا صوبائی حکومت کی اولین ترجیحات ہیں،پرویزخٹک
صوبے میں تیل و گیس کی ایکسپلوریشن صوبے کے ریسور بیس میں اضافہ کرے گی جس سے عوام کی فلاح وبہبود کا ایک نیادور شروع ہو گا،خیبرپختونخوا اورہانگ کانگ کے مابین تیل اور گیس کے شعبوں میں مختلف منصوبوں پر مفاہمتی یاداشت پر دستخط اس سلسلے میں ایک سنگ میل کی حیثیت رکھتے ہیں،وزیراعلی خیبرپختونخوا
اتوار 26 فروری 2017 21:40
(جاری ہے)
ان منصوبوں میں جیولیجکل اور جیو فزیکل فیلڈ ورک، 2-D ،3-D ،Scimisic data acquistion ،ڈرلنگ سروسز، سٹاکٹس ، پائپ لائن، ریفائنری، سی پیجز کی ایکسپلورنگ، ویئر ہاوسنگ / کارگور ویلج اور مشترکہ طور پر کنسیشن بلاکس میں سرمایہ کاری شامل ہیں۔
چیف ایگزیکیٹو آفیسر آئل اینڈ گیس کمپنی لمٹیڈ رضی الدین اور ڈائریکٹر ہیر ٹیج ریسورسز لمٹیڈخالد حمیدی نے مفاہمتی یاداشتوں پر دستخط کئے ۔وزیراعلیٰ خیبرپختونخو اپرویز خٹک،سی آر سی سی سی کے نائب صدر Mr. LIU Ruchen اور دیگر اعلیٰ حکام بھی اس موقع پر موجود تھے ۔ مفاہمتی یاداشت کے مطابق خیبرپختونخو امیں آئل اینڈ گیس کمپنی کی طرف سے پیش کر دہ کنسیشن بلاکس میںحکومتی سطح پر شراکت داری کے تحت سرمایہ کاری کے مواقع فراہم کئے جائیں گے ۔دونوں کمپنیاں ہر پراجیکٹ کیلئے علیحدہ علیحدہ معاہدے پر دستخط کریں گی ۔دونوں کمپنیاں پاکستان خصوصاً خیبرپختونخوا میں کیس ٹو کیس بنیادوں پر پرائم کنٹریکٹر کے طور پر کام کرنے کیلئے مشترکہ حکمت عملیاں تشکیل دیں گی ۔خیبرپختونخوا آئل اینڈ گیس کمپنی اپنے کنسیشن بلاکس میں سرمایہ کاری کے مواقع فراہم کرے گی ۔ اور سی پیک کے تناظر میں مستقبل کے لئے ترقیاتی خدو خال وضع کرے گی ۔ہیرٹیج ریسورسز لمٹیڈ خیبرپختونخو امیں سی پیک کے تناظر میں توانائی اور بجلی سے متعلق مختلف منصوبوں میں گورنمنٹ ٹو گورنمنٹ سرمایہ کاری کیلئے سرمایہ اور سرکاری کمپنیوں کا انتظام کرے گی ۔دونوں کمپنیاں پراجیکٹ ٹو پراجیکٹ بنیاد پر کام کریں گی ۔ سی پیک فریم ورک کے تناظر میں حکومت پاکستان کی طرف سے متعارف کردہ سکوپ کے مطابق منصوبے کو زیادہ سود مند اور مطلوبہ معیار کے مطابق بنانے کیلئے فریقین متفقہ طریقہ کار وضع کریں گے۔وزیراعلیٰ پرویز خٹک نے مفاہمتی یاداشت کو خیبرپختونخوا کیلئے سنگ میل قرار دیا اور کہاکہ یہ صوبے میں تیل اور گیس کے شعبوں میں خصوصاً اور عمومی طور پر جملہ شعبوں میں سرمایہ کاری کیلئے بیرونی حکومتوں اور بین الاقوامی کمپنیوں کو بھی آمادہ کرے گا۔خیبرپختونخو امیں تحریک انصاف کی موجودہ اتحادی حکومت کی تیز رفتار سرمایہ کاری کے ویژن کے مطابق اہداف کے حصول میں معاون ثابت ہو گا۔ خیبرپختونخو امیں توانائی، معدنیات، تیل ، گیس ، سیاحت اور دیگر شعبوں میں سرمایہ کاری کے وسیع مواقع موجود ہیں۔ ان کی حکومت خیبرپختونخوا کے قدرتی ذخائر اور سرمایہ کاری کے مواقعوں کو صوبے کی معاشی بنیاد بنانے کیلئے منصوبہ بندی کرچکی ہے۔ صوبائی صنعتی پالیسی کے تحت صوبے میں سرمایہ کاروں کو پرکشش مراعات دی جارہی ہیں۔ صوبائی حکومت کی ان شفاف پالیسیوں اور سرمایہ کاردوست پالیسیوں اور پرکشش سہولیات کی وجہ سے مقامی اور بین الاقوامی سرمایہ کار بڑی تعداد میں صوبے کا رخ کر رہے ہیں۔ صوبے میں سی پیک کے تناظر میں صنعتکاری کا ایک نیا دور شروع ہونے جارہا ہے جس سے بیروزگاری ختم ہو گی اور صوبہ مالی لحاظ سے اپنے پائوں پر کھڑا ہوگا۔متعلقہ عنوان :
مزید اہم خبریں
-
کراچی سے فورسز پر حملوں میں ملوث دہشت گرد گرفتار
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.