ْبھارتی آرمی چیف کا بیان بھارت کی ضد، ہٹ دھرمی اور طاقت کے نشے کا عکاس ہے‘سید علی گیلانی
احمقوں کی جنت میں آزادی کا مطالبہ کرنے والے کشمیری عوام نہیں بلکہ وہ لوگ رہتے ہیں جو دھمکیوں کے ذریعے ہمیں مرعوب کرنا چاہتے ہیں مسئلہ کشمیر کو ایک سیاسی عمل کے ذریعے حل کیا جاسکتا ہے اور فوج کا اس میں کوئی کردار نہیں بنتا ہے‘چیئر کل جماعتی حریت کانفرنس
اتوار 26 فروری 2017 12:51
(جاری ہے)
انہوں نے کہا کہ بھارتی فوج کے سربراہ کو اپنے ان پیش رو افسران سے سبق لینا چاہیے جنہوں نے کھلے عام اس بات کا اعتراف کیا ہے کہ کشمیر ایک سیاسی تنازعہ ہے اور اس کو فوجی طاقت کے ذریعے حل کرنا ممکن نہیں۔
سید علی گیلانی نے سابق فوجی افسر جنرل ہُڈا کے بیان پر کہا کہ موصوف نے سروس کے دوران بھی اس حقیقت کا کئی بار برملا اعلان کیا ہے کہ مسئلہ کشمیر کو ایک سیاسی عمل کے ذریعے حل کیا جاسکتا ہے اور فوج کا اس میں کوئی کردار نہیں بنتا ہے۔ انہوںنے جنرل بِپن راوت کے بیان کو اپنی حکومت کو خوش کرنے کی ایک کوشش قرار دیتے ہوئے کہاکہ انہیں اپنے کئی سینئر افسروں کو سائیڈ لائن کرکے آرمی چیف بنایا گیا ہے لہٰذا وہ اس طرح کے بنانات کے ذریعے اس احسان کا بدلہ چکا رہے ہیں ۔ انہوں نے کہا کہ مسئلہ کشمیر کے حل میں واحد رُکاوٹ بھارتی حکمرانوں کی ضد اور ہٹ دھرمی ہے اور وہ اس انسانی مسئلے کو انّا کا مسئلہ بناکر کروڑوں انسانوں کے امن، چین اور ترقی کے ساتھ کھلواڑ کررہے ہیں۔ حریت چیئرمین نے کہا کہ بھارتی فوج میں بھرتی ہونے والے جوانوں کی اکثریت غریب گھرانوں سے تعلق رکھتی ہے جو اپنی روزی روٹی کے لیے نوکری کرتے ہیں لیکن دہلی کے حکمران اور جنرل بِپن راوت جیسے افسران انہیں ناروا لڑائیوں میں جھونک کر خام ایندھن کے طور استعمال کررہے ہیں ۔انہوں نے بھارتی حکمرانوں اور جنرل راوت پر زورہ دیا کہ وہ اپنی استعماری اور سامراجی سوچ ترک کرکے زمینی حقائق کو تسلیم کریں۔ انہوں نے کہاکہ جب تک کشمیری عوام کی رائے کا احترام نہیں کیا جاتا، دنیا کی کوئی فوجی طاقت انہیں خاموش نہیں کراسکتی ہے۔ دریں اثناء کل جماعتی حریت کانفرنس نے پینتھرس پارٹی کے سربراہ بھیم سنگھ کے اس بیان کی تردید کی ہے جس میں انہوں نے حریت چیئرمین سے ملاقات اور سیاسی امور پر تبادلہ خیال کرنے کی بات کہی ہے۔ حریت ترجمان نے ایک وضاحتی بیان میں کہا کہ بھیم سنگھ جمعرات کو حیدر پورہ میںتحریک حریت کے دفتر پر تشریف لائے تھے اور حریت چیئرمین کے ساتھ ملاقات کی خواہش ظاہر کی تھی لیکن انہیں بتایا گیا کہ وہ اس وقت آرام کررہے ہیں اور ڈاکٹروں نے فی الحال انہیںملاقاتیں کرنے سے متع کیاہے۔ ترجمان نے کہا کہ بھیم سنگھ 45منٹ تک صدر دفتر پر موجود ہے اور دفتر میں موجود عہدیداروں کے ساتھ غیر رسمی بات چیت کرتے رہے لیکن سید علی گیانی کے ساتھ ان کی ملاقات نہیں ہوئی۔متعلقہ عنوان :
مزید اہم خبریں
-
2 سال ہو گئے،دوسرے ملک سے تو معلومات نہیں مانگ رہے،جسٹس محسن اخترکیانی کے ریمارکس
-
سموسہ فروش کی 2 بیٹیاں کمیشن پاس کرکے گزیٹڈ آفیسر بن گئیں
-
یو اے ای اور پاکستان میں عید الفطر کی تاریخ سے متعلق پیش گوئی کر دی گئ
-
پاکستان میں ایکس کی بندش دوسرے ماہ میں داخل
-
پاک افغان سرحد پر کشیدگی کے بعد لڑائی رُک گئی ہے، طالبان حکومت
-
پوٹن کا دوبارہ انتخاب، روس میں کون سی تبدیلیاں آ سکتی ہیں؟
-
حسن اور حسین نواز فلیگ شپ،ایون فیلڈاور العزیز ریفرنسز سے بری
-
پرویز الٰہی جیل واش روم میں گر گئے،فریکچر ہوگیا،جیل رپورٹ
-
پاکستان کیلئے ایک اوربڑا اعزاز
-
کور کمیٹی میں اندرونی معاملات پر بات ہوئی، کسی پر کوئی پابندی نہیں لگی، بیرسٹر گوہر
-
زین قریشی کومریم نوازسے پوچھنے کی بجائے خود شرم سے ڈوب مرنا چاہیے‘ عظمیٰ بخاری
-
قدرتی آفات سے پیداہونے والی صورتحال سے نمٹنے اور لوگوں کے ریسکیو و مدد کےلئے جامع لائحہ عمل ضروری ہے،امداد کو شفاف انداز سے لوگوں تک پہنچایا جائے،حالیہ طوفانی بارشوں کے متاثرین کو کسی قیمت اکیلا ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.