مقبوضہ کشمیر ، بھارتی فوجی نے خود کو گولی مار کر خودکشی کرلی

اتوار 26 فروری 2017 12:01

سرینگر ۔ (اُردو پوائنٹ اخبارتازہ ترین - اے پی پی۔ 26 فروری2017ء) مقبوضہ کشمیر میں ضلع پونچھ کی تحصیل مینڈھر کے علاقے منکوٹ میں قائم فوجی کیمپ میں ایک بھارتی فوجی نے اتوار کی صبح اپنی سروس رائفل سے خود پر گولی چلاکر خود کشی کرلی۔

(جاری ہے)

کشمیرمیڈیا سروس کے مطابق 200 ویں بٹالین سے تعلق رکھنے والے بارڈر سکیورٹی فورس کے ایک اہلکار نے ضلع میں منکوٹ سب سیکٹر کی سوناوالی گلی پوسٹ پر خود پر گولی چلاکر خودکشی کرلی۔ ہلاک ہونے والے اہلکار کی شناخت سپاہی پریمود کمارکے طورپر ہوئی ہے۔ خودکشی کی وجہ مایوسی اور عدم اطمینان بتائی جارہی ہے۔ اس ہلاکت سے جنوری 2007ء سے مقبوضہ کشمیر میں خودکشی کرنے والے بھارتی فوجی اور پولیس اہلکاروں کی تعداد 378 تک پہنچ گئی ہے۔

متعلقہ عنوان :