قائد کشمیر بیرسٹر سلطان محمود کا دورہ متحدہ عرب امارات انتہائی کامیاب رہا ‘بیرسٹر سلطان چوہدری کی قیادت میں دبئی جلسہ انتہائی اہمیت کا حامل تھا ‘جلسہ تحریک انصاف آزادکشمیر ،پاکستان اور بیرون ممالک سے کارکنوں کی کثیر تعداد نے شرکت کر کے مخالفین کو یہ واضع پیغام دیدیا ہے کہ عمران خان کا پیغام گھر گھر پہنچانے اور کرپشن کے خلاف اپنی جنگ جاری رکھیں گے

صدر پاکستان پیپلزپارٹی یو اے ای محمد علی چوہدری کی بات چیت

ہفتہ 25 فروری 2017 15:14

اسلام گڑھ (اُردو پوائنٹ اخبارتازہ ترین - آئی این پی۔ 25 فروری2017ء) صدر پاکستان پیپلزپارٹی یو اے ای محمد علی چوہدری نے کہا ہے کہ قائد کشمیر بیرسٹر سلطان محمود کا دورہ متحدہ عرب امارات انتہائی کامیاب رہا تحریک انصاف آزادکشمیر کے صدر بیرسٹر سلطان محمود چوہدری کی قیادت میں دبئی میں ہونے والا جلسہ انتہائی اہمیت کا حامل تھا جلسہ تحریک انصاف آزادکشمیر ،پاکستان اور بیرون ممالک سے کارکنوں کی کثیر تعداد نے شرکت کر کے مخالفین کو یہ واضع پیغام دیدیا ہے کہ تحریک انصاف پاکستان کے چیئرمین عمران خان کا پیغام گھر گھر پہنچانے اور کرپشن کے خلاف اپنی جنگ جاری رکھیں گے ۔

ان خیالات کا اظہار انہوں نے صحافیوں سے بات چیت کرتے ہوئے کیا ۔محمد علی چوہدری نے کہا کہ قائد کشمیر بیرسٹر سلطان محمود چوہدری کی قیادت میں تحریک آزادکشمیر مضبوط قوت بن چکی ہے مسئلہ کشمیر و یا آزادکشمیر کے مسائل تحریک انصاف نے ہر فورم پر ظلم کے خلاف آواز اٹھائی ہے ۔

(جاری ہے)

انہوں نے کہا کہ قائد کشمیر بیرسٹر سلطان محمود چوہدری کی مسئلہ کشمیر حوالے سے کاوشیں کسی سے ڈھکی چھپی نہیں بھارت مقبوضہ کشمیر میں ظلم کے پہاڑ توڑ رہا ہے اور پاکستان مسلم لیگ ن خواب خرگوش کے مزے لے رہے ہیں کشمیری بھائی آزادی کی خاطر جانوں کے نذرانے پیش کر رہے ہیں اور میاں نواز شریف مودی سے اپنی یاری کی پھینگیں بڑھا رہی ہیں ۔

انہوں نے کہا کہ تحریک انصاف آزادکشمیر کرپشن ،نا انصافیوں اور ظلم کے خلاف قائد کشمیر بیرسٹر سلطان محمود چوہدری کی قیادت میں ہر فورم پر آواز بلند کرتے رہی گی ۔