جناح انٹرنیشنل ایئرپورٹ کراچی سے کولمبو جانے والے دومسافروںسے ایک کلو گرام ہیروئن برآمد

جمعہ 24 فروری 2017 21:50

کراچی (اُردو پوائنٹ اخبارتازہ ترین - آن لائن۔ 24 فروری2017ء) پاکستان کسٹم نے جناح انٹرنیشنل ایئرپورٹ کراچی سے کولمبو جانے والے مسافر وںسے ایک کلو گرام ہیروئن برآمد کر کے دونوں ملزمان کو گرفتار کر لیا ہے۔

(جاری ہے)

ترجمان کسٹم کے مطابق پاکستان کسٹم پرئوینٹو کی جناح انٹرنیشنل ایئرپورٹ ڈیپارچر پر تعینات عملے نے دوران چیکنگ ایئر لنکا فلائٹ نمبر 1184 کے ذریعے کراچی سے کولمبو جانے والے دو مسافروں ماجد اور عمران کے قبضے سے ایک کلو گرام ہیروئن برآمد کر لی اور دونوں ملزمان کو گرفتار کر کے مقدمہ درج کر لیا ہے۔ ملزمان نے ہیروئن کو سوٹ کیس کے راڈوں میں چھپا رکھا تھا۔ انٹرنیشنل مارکیٹ میں ہیروئن کی مالیت ایک کروڑ روپے سے زائد ہے۔#