مظفر گڑھ میں سی ٹی ڈی کی کارروائی ، 6 دہشت گرد ہلاک،3فرارہوگئے

دہشت گردوں کے 3 ساتھی فرار ہوئے جن کی تلاش کیلئے سرچ آپریشن جاری ہے، سی ٹی ڈی

جمعہ 24 فروری 2017 11:53

مظفر گڑھ میں سی ٹی ڈی کی کارروائی ، 6 دہشت گرد ہلاک،3فرارہوگئے
مظفر گڑھ(اُردو پوائنٹ اخبارتازہ ترین - آئی این پی۔ 24 فروری2017ء) مظفر گڑھ میں سی ٹی ڈی پولیس نے پی پی لنک کینال کے قریب کارروائی کر کے 6 دہشت گردوں کو ہلاک کر دیا جب کہ 3 فرار ہونے میں کامیاب ہو گئے۔ سی ٹی ڈی پولیس کے اہلکار ملزم یاسین عرف عمران کو اسلحہ برآمدگی کے لئے لے جا رہی تھی کہ ملزم کے ساتھیوں نے ٹی پی لنک کینال کے قریب پولیس نفری پر حملہ کردیا۔

(جاری ہے)

سی ٹی ڈی کی جوابی کارروائی میں 6 دہشت گرد ہلاک جب کہ ان کے 3 ساتھی فرار ہونے میں کامیاب ہو گئے جن کی تلاش کے لئے سرچ آپریشن شروع کر دیا گیاہے۔ پولیس حکام کا کہنا ہے کہ ہلاک ہونے والے دہشت گردوں کے قبضے سے 5 دستی بم، 4 رائفلز، 3 پستول اور دیگر اسلحہ بھی برآمد ہوا۔ پولیس مقابلے میں ہلاک ہونے والے ملزمان کی لاشوں کو شناخت کے لئے ہسپتال منتقل کر دیا گیا ۔

متعلقہ عنوان :