تر کی نے غیر قانونی طریقے سے یورپ جانے کی کوشش کرنے والے 108 تارکین وطن کو گرفتار کر لیا

جمعہ 24 فروری 2017 10:11

انقرہ ۔ (اُردو پوائنٹ اخبارتازہ ترین - اے پی پی۔ 24 فروری2017ء) تر کی نے غیر قانونی طریقے سے یورپ جانے کی کوشش کرنے والے 108 تارکین وطن کو گرفتار کر لیا ۔ترک خبر رساں ایجنسی کے مطابق ازمیر کی تحصیل غازی امیر سے غیر قانونی طریقے سے یورپ جانے کی کوشش کرنے والے 25 تارکین وطن کو گرفتار کیاگیا ہے۔ازمیر محکمہ پولیس کی ٹیم نے غازی امیر چوراہے پر ایک ویگن کو روکا ۔

(جاری ہے)

ویگن کے اندر سے 25 غیر ملکی موجود تھے جن میں سے 23 کا تعلق شام اور دو کا تعلق جمہوریہ ڈومینک سے تھا۔ ویگن سے 15 لائف جیکٹس بھی برآمد ہوئی ہیں۔پولیس نے ان افراد کو بیرون ملک لے جانے والے شخص کو گرفتار کر لیا ہے۔حکام نے کہا ہے کہ ایدرنے سے بھی یورپ جانے کو کوشش کرنے والے عراق، افغانستان ،مراکش اور شام کے 83 باشندوں کو گرفتار کر لیا گیا ہے۔ پوچھ گچھ کے بعد ان تارکین وطن کو غیر ملکیوں کے وطن واپسی کے دفتر کے حوالے کر دیا گیا ہے۔