سوشل میڈیا پر آئی ایس پی آر کے نام سے جعلی پیغامات بھیجے جا رہے ہیں ، ہماری طرف سے کوئی بھی معلومات واٹس ایپ کے ذریعے نہیں بھیجی جاتی ،ڈی جی آئی ایس پی آر

جمعرات 23 فروری 2017 22:39

راولپنڈی(اُردو پوائنٹ اخبارتازہ ترین - آئی این پی۔ 23 فروری2017ء) ڈی جی آئی ایس پی آر میجر جنرل آصف غفور نیکہا ہے کہ سوشل میڈیا پر آئی ایس پی آر کے نام سے جعلی پیغامات بھیجے جا رہے ہیں ، ہماری طرف سے کوئی بھی معلومات واٹس ایپ کے ذریعے نہیں بھیجی جاتی ۔

(جاری ہے)

جمعرات کو پاک فوج کے شعبہ تعلقات عامہ (آئی ایس پی آر) کے ڈی جی میجر جنرل آصف غفور نے اپنے ٹویٹ میں کہا کہ سوشل میڈیا پر آئی ایس پی آر کے نام سے جعلی پیغامات بھیجے جا رہے ہیں ۔

ان پیغامات میں خطرات اور ایمرجنسی نمبرز سے متعلق غلط معلومات دی جا رہی ہیں ۔ آئی ایس پی آر اپنی ویب سائٹ ، فیس بک اور ٹوئٹر کے سرکاری اکائونٹ سے معلومات بھیجتا ہے ۔ کوئی بھی معلومات واٹس ایپ کے ذریعے نہیں بھیجی جاتی ۔ کوئی بھی معلومات کو آگے پھیلانے سے پہلے آئی ایس پی آر کی ویب سائٹ ، ٹوئٹر یا فیس بک اکائونٹ سے تصدیق کی جائے ۔ …(م د)