پاکستان پیپلز پارٹی نے تحریک انصاف کو سندھ میں بڑا سیاسی دھچکہ پہنچادیا

پی ٹی آئی سندھ کے سابق صدر نادر لغاری کی آصف علی زرداری سے ملاقات، پیپلز پارٹی میں شمولیت کا فیصلہ

جمعرات 23 فروری 2017 21:55

کراچی (اُردو پوائنٹ اخبارتازہ ترین - این این آئی۔ 23 فروری2017ء) پاکستان پیپلز پارٹی نے تحریک انصاف کو سندھ میں بڑا سیاسی دھچکہ پہنچایا ہے اور پی ٹی آئی سندھ کے سابق صدر نادر لغاری سابق صدر آصف زرداری اور پاکستان پیپلز پارٹی کے شریک چیئرمین آصف زرداری سے کراچی میں ملاقات کی۔

(جاری ہے)

ملاقات میں سیاسی امور پر تبادلہ خیال کیا گیا۔ ترجمان بلاول ہاؤس کے مطابق نادر لغاری نے بلاول بھٹو زرداری اور آصف علی زرداری کی قیادت پر مکمل اعتماد کا اظہار کیا ہے اور پیپلز پارٹی میں شمولیت کا فیصلہ کیا۔ واضح رہے گزشتہ روز نبیل گبول نے بھی دوبارہ پیپلز پارٹی میں شمولیت کا اعلان کیا تھا۔