وزیراعلیٰ کی زیرصدارت اجلاس ،صوبے میں عوام کے جان و مال کے تحفظ کیلئے کئے جانے والے اقدامات کا جائزہ

لاہور(اُردو پوائنٹ اخبارتازہ ترین - این این آئی۔ 23 فروری2017ء) وزیراعلیٰ پنجاب محمد شہبازشریف کی زیرصدارت اعلی سطح کا اجلاس منعقد ہوا جس میںصوبے میں عوام کے جان و مال کے تحفظ کیلئے کئے جانے والے اقدامات کا جائزہ لیا گیا- اجلاس میں ڈیفنس کے علاقے میں ہونے والے دھماکے کے واقعہ کی ابتدائی رپورٹ پیش کی گئی-وزیر اعلی محمد شہباز شریف نے اجلاس سے خطاب کرتے ہوئے کہا کہ واقعہ کی ہر پہلو سے تحقیقات کر کے جامع رپورٹ پیش کی جائے اور عوام کے جان و مال کے تحفظ کیلئے ہر ضروری اقدام اٹھایا جائی- انہوںنے کہا کہ ڈیفنس میں انتہائی افسوسناک واقعہ پیش آیا ہے جس میں قیمتی انسانی جانوں کا نقصان ہوا ہے -لاہور سمیت صوبہ بھر میں سیکورٹی انتظامات کوفول پروف بنایا جائے اورکومبنگ آپریشن کو مزید تیز کیا جائی-انہوں نے کہا کہ سماج دشمن عناصر کی بیخ کنی کیلئے کوئی دقیقہ فروگذاشت نہ کیا جائی-انہوں نے کہا کہ زخمی ہونے والے افراد کو علاج معالجہ کی بہترین سہولتوں کی فراہمی یقینی بنائی جائی- صوبائی وزراء رانا ثناء اللہ ، لیفٹیننٹ کرنل(ر) سردار محمد ایوب، جہانگیر خانزادہ ، چیف سیکرٹری ، انسپکٹر جنرل پولیس، سیکرٹری داخلہ اور متعلقہ حکام نے اجلاس میں شرکت کی-