سینیٹ قائمہ کمیٹی صنعت و پیدوار کا یوٹیلٹی سٹورز پر غیر معیاری اشیاء کی فروخت کا نوٹس
کارپوریشن کو غیر معیاری اشیاء سپلائی کرنے والی کمپنیوں کو بلیک لسٹ اور ملوث ملازمین کے خلاف کارروائی کرکے آئندہ اجلاس میں رپورٹ پیش کرنے کی ہدایت کمیٹی کی فاٹا میں یوٹیلٹی سٹورز کارپوریشن کے زیادہ سے زیادہ سٹورز کھولنے کی بھی سفارش
جمعرات 23 فروری 2017 19:57
(جاری ہے)
کمیٹی اجلاس میں کلثوم پروین ، ملک نجم الحسن ، الیاس احمد بلور، خانزادہ خان ، تاج حیدر کے علاوہ وفاقی وزیر غلام مرتضیٰ جتوئی ، ایڈیشنل سیکرٹری وزارت ، ایم ڈی یوٹیلٹی سٹورز کارپوریشن سمیت اعلیٰ حکام نے شرکت کی ۔
اجلاس کے دوران وفاقی وزیر پیدوار غلام مرتضیٰ جتوئی نے کہاکہ یوٹیلٹی سٹورز کارپوریشن کمپیوٹرائزیشن ہونے سے بہتری آئے گی ۔ غلط معاہدے نہیں ہونگے ۔ یوٹیلٹی سٹورز کارپوریشن کے ایم ڈی نے بتایا کہ اشیائے خوردنوش فراہم کرنے کے ٹینڈر کا معاملہ مسابقتی کمیشن آف پاکستان میں ہے کل بھی سماعت ہوگی ۔ مسابقتی کمیشن کے فیصلے سے کمیٹی کو آگاہ کیا جائے گا۔ جس پر چیئرمین کمیٹی نے کہا کہ اس معاملے کو مسابقتی کمیشن کے فیصلے کے بعد کمیٹی آئندہ ہونے والے اجلاس میں زیر غورلائے گی ۔ ایم ڈی یوٹیلٹی سٹورز کارپوریشن نے بتایا کہ کارپوریشن مختلف اشیاء خریدنے کیلئے ایک مستقل اور ایک عارضی طریقہ کار اختیار کرتی ہے ۔ مستقبل طریقے کے تحت بین الاقوامی اور ملکی برانڈ کی اشیاء 30 سی40 دنوں کی ادائیگی پر اور دوسرے طریقے میں کمپنیوں کو سٹورز میں اشیاء فروخت کے لئے رکھنے کی اجازت ہوتی ہے ۔ کارپوریشن اپنے لیبل کی بھی جن میں گھی، تیل ، مصالحہ جات ، نمک وغیر ہ شامل ہیں بھی فروخت کرتی ہے ۔ کارپوریشن کے اپنے لیبل کے گھی اور تیل کے بارے میں درخواست پر سپریم کورٹ نے از خود نوٹس لیا۔ سیکرٹری وزارت اور میں نے عدالت عالیہ میں خود پیش ہو کر تفصیلی جواب دیا ہے۔گھی اور تیل کا معیا رجانچنے کیلئے ایس او پی بنایا جارہا ہے ۔ کارپوریشن کے ملازمین کی انسٹی ٹیوٹ آف منیجمنٹ سے تربیت شروع کر وا دی گئی ہے ۔ چیئرمین کمیٹی نے کہا کہ محکمانہ استعداد میں اضافے اور ملازمین کی تربیت سے بڑھنے والی صلاحیت سے اشیاء کو معیار پرکھنے میں فائدہ ہوگا۔ سینیٹر کلثوم پروین نے کہا کہ یوٹیلٹی سٹورز کارپوریشن کی اشیاء غیر معیاری اور کم وزن ہے ۔ دالوں کو کیڑا لگا ہوتا ہے ۔ رمضان المبارک آرہا ہے ۔ معیاری اشیاء کی فراہمی یقینی بنائی جائے ۔ سینیٹر الیاس بلور نے کہا کہ برانڈڈ اشیاء خریدی جائیں جن کا وزن مکمل ہوتا ہے ۔ کارپوریشن کھلا مال نہ خریدے ۔ چیئرمین کمیٹی نے کہا کہ کارپوریشن اپنی مشکلات اور مسائل سے تحریری آگاہ کرے ۔ مالی مدد کیلئے حکومت سے درخواست کریں گے ۔ قانون سازی میں کمیٹی مدد دے گی ۔ یوٹیلٹی سٹورز کارپوریشن میں غبن پر ایم ڈی نے بتایا کہ بلوچستان میں 35 کروڑ روپے کی خرد برد پر 10 ملازمین پر پہلا پرچہ درج ہوگیا ہے ۔ چیئرمین کمیٹی نے کہا کہ کمیٹی نے یوٹیلٹی سٹورز کارپوریشن کے ملازمین کی سوشل سیکورٹی کیلئے ہدایت دی گئی تھی عمل نہیں کیا گیا ۔ کارپوریشن ملازمین سے سالانہ 70 لاکھ روپے سیکورٹی کی مد میں جمع کراتی ہے ۔ ملازمین کو سہولیات دی جائیں ۔ ایم ڈی نے کمیٹی کو آگاہ کیا کہ صوبہ بلوچستان کی1400 خالی اسامیوں پر بھرتی کی بورڈ نے منظوری دے دی ہے جوجلد مشتہر کر دی جائیں گی۔ (ع ع)مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.