آئندہ 24 گھنٹوں کے دوران ملک کے بیشتر علاقوں میں موسم خشک رہے گا

گزشتہ 24 گھنٹوں کے دوران سب سے زیادہ بارش راولاکوٹ میں ہوئی،محکمہ موسمیات

بدھ 22 فروری 2017 11:12

آئندہ 24 گھنٹوں کے دوران ملک کے بیشتر علاقوں میں موسم خشک رہے گا

اسلام آباد ۔ (اُردو پوائنٹ اخبارتازہ ترین - اے پی پی۔ 22 فروری2017ء) محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم خشک رہے گا۔

(جاری ہے)

رپورٹ کے مطابق گزشتہ 24 گھنٹوں کے دوران بھی ملک کے بیشتر علاقوں میں موسم خشک رہا تاہم راولپنڈی، ہزارہ ڈویژن اورکشمیرمیں چند مقامات پر بارش اور پہاڑوں پر برف باری ہوئی سب سے زیادہ بارش راولاکوٹ میں10 ملی میٹر، گڑھی دوپٹہ ایک، کاکول 4 اور مری میں ایک ملی میٹر بارش ریکارڈ کی گئی۔

بدھ کو ریکارڈ کئے گئے سرد ترین مقامات کے درجہ حرارت کی رپورٹ کے مطابق کالام میں درجہ حرارت منفی06 ڈگری سینٹی گریڈ، پارہ چنار،گوپس منفی 5، استور منفی 4،دیر، مالم جبہ منفی3، قلات راولاکوٹ اور بگروٹ میں منفی2 ڈگری سینٹی گریڈ ریکارڈ کیا گیا ہے۔