دلجیت دوسانجھ نے بالی وڈ میں سولو ہیرو والی فلم میں کام کی خواہش کا اظہار کردیا

منگل 21 فروری 2017 11:21

ممبئی۔ (اُردو پوائنٹ اخبارتازہ ترین - اے پی پی۔ 21 فروری2017ء) پنجابی فلموں کے اداکار و گلوکار دلجیت دوسانجھ بالی وڈ میں سولو ہیرو والی فلمیں کرنے کی خواہش کا اظہار کردیا۔

(جاری ہے)

بھارتی ذرائع ابلاغ کے مطابق دلجیت دوسانجھ نے گزشتہ برس فلم ’’اڑتا پنجاب‘‘ سے فلمی دنیا میں بطور اداکار انٹری دی تھی اور جلد ہی وہ فلم ’’پھلوری‘‘ میں انوشکا شرما سے رومانس کرتے نظر آئیں گے۔اداکارنے کہاکہ ان کی نظریں صرف سولو کردار پر ہیں وہ چاہتے ہیں کہ فلموں میں ایسا کردار اداکریں جس کے گرد ساری فلم گھومتی ہو۔انہوں نے کہا کہ وہ کوئی بھی ایسا کردار نہیں کرنا چاہتے جہاں ایک سے زائد لوگ کریڈٹ لینے کے لئے موجود ہوں۔واضح رہے کہ فلم ’’پھلوری‘‘ میں دلجیت نے انوشکا کے عاشق کا کردار نبھایا ہے ۔

متعلقہ عنوان :