وزیراعلیٰ سندھ نے درگاہوں، تمام مذاہب کی عبادگاہوں اور عوامی مقامات کی سیکورٹی آڈٹ کرنے کا حکم دے دیا
ہفتہ 18 فروری 2017 23:20
(جاری ہے)
وزیر اعلیٰ سندھ سید مراد علی شاہ نے کہا کہ سیہون شریف میں لعل شہباز قلندر کے مزار پر ہونے والے افسوس ناک واقعہ کے نتیجے میں جانی نقصانات نے مجھے دلی صدمہ پہنچا یا ہے شہید ہونے والوں کے ورثہ کی آہیں میرے ذہن اور دماغ میں ابھی تک گھوم رہی ہیں اور اس کیس کو ہر صورت حل ہونا چاہئے اور جب تک مجرموں کو گرفتار نہیں کیا جائیگا مجھے اس وقت تک سکون نہیں ملے گا۔
وزیر اعلیٰ سندھ نے محکمہ اوقاف کو ہدایت کی کہ ہر مزار پر لیڈی سرچرز ہونی چاہئیں۔ وزیراعلیٰ سندھ نے آئی جی سندھ پولیس اے ڈی خواجہ کو لعل شہباز قلندر ، شاہ عبدا لطیف بھٹائی ، عبد اللہ شاہ غازی ، شاہ عقیق سمیت اور دیگر 86درگاہوں کی سیکورٹی آڈٹ کے لئے آئی جی سندھ کو واضح احکامات د یتے ہوئے کہاکہ اسپیشل برانچ اپنے ماہرین کے ذریعے سیکورٹی آڈٹ کرے گی۔ اس موقع پر وزیر اعلیٰ سندھ نے کہا کہ مجھے تمام عبادت گاہوں، درگاہوں، اہم پبلک مقامات کا سیکورٹی پلان چاہئے۔ اجلاس میں کمشنر حیدر آباد قاضی شاہد پرویز اور ڈی آئی جی حیدر آباد خادم رند نے ویڈیو لنک کے ذریعے ا پنی ڈویژنوں میں تمام درگاہوں کی سیکورٹی کے حوالے سے وزیراعلیٰ سندھ کو بریفنگ دی۔ اجلاس میں وزیر اعلیٰ سندھ نے کمشنروں، متعلقہ ڈی سیز ، ایس ایس پیز اور اوقاف کے افسران پر مشتمل کمیٹی بنانے کے احکامات دئیے اور کہا کہ یہ کمیٹی روزانہ کی بنیاد پر سیکورٹی کے معاملات د یکھیں گی اور کمشنرز اور ڈی آئی جیز کو ہدا یت کی کہ اب سب الرٹ اورمتحر ک ہو جائیں کیونکہ یہ جنگ ہم اور ہمارے عوام ، قانون نافذ کرنے والے ادارے بہادری کے ساتھ لڑرہے ہیں اور یہ جنگ ہمیں اب جیتنی ہے۔ انہوںنے کہاکہ صرف درگاہوں کی ہی نہیں بلکہ مندر، مسجد ، چرچ اور دیگر مقامی مقامات، اسپتالوں کی سیکورٹی ڈ ی سیز اور محکمہ پولیس و دیگر قانون نافذ کرنے والے اداروں کی مدد سے روزانہ کی بنیاد پر دیکھیں گے۔ انہوں نے کہا کہ ضلع میر پور خاص میں کچھ اہم مندر ہیں، کمشنر میرپورخاص اور ڈی آئی جی میرپورخاص ان کی سیکورٹی کو یقینی بنائیں۔ اقلیتی برادری کے بھائی بھی اپنے اہم تہوار کے انعقاد پر ایڈمنسٹریشن اور پولیس کو پہلے سے آگاہ کریں۔ وزیر اعلیٰ سندھ نے کہاکہ سکھر میں 29 درگاہیں ہیں ،رانی پور میں سچل سرمست کی سیکورٹی آڈٹ کمشنر اور ڈی آئی جی سکھر مل کر کریں۔ اجلاس میں وزیراعلیٰ سندھ نے آئی جی سندھ پولیس اور چیف سیکریٹری سندھ کو ہدایت کی کہ وہ درگاہوں کے علاوہ جیلوں کی سیکورٹی بھی خود دیکھیں۔ وزیر اعلیٰ سندھ نے آئی جی سندھ کو سیکورٹی کے حوالے سے ایس او پی تمام حدود میں سرکیولیٹ کرنے کی بھی ہدایت کی۔ انہوں نے چیف سیکریٹری سندھ کو حکم دیتے ہوئے کہا کہ سیکورٹی کے حوالے سے جو بھی فنڈز چاہئیں ہوں انہیں دئیے جائیں ، جہاں بھی سیکورٹی کے حوالے سے فنڈز کی ضرورت ہوگی وہ پرنسپل سیکریٹری نوید کامران بلوچ سے رابطہ کریں۔وزیراعلیٰ سندھ کے پرنسپل سیکریٹری ، چیف سیکریٹری سندھ کی طرف سے مہیا کیا ہوا فنڈز جاری کرنے کا مجاز ہوگا۔ انہوں نے کہا کہ نئی سیکورٹی ڈائریکشن تحصیل کی سطح پر فول پروف بنائیں پیٹرولنگ اور چیکنگ کریں اور چیکنگ کرنے کا مقصد کسی کی بے عزتی کرنا نہیں ہے۔انہوں نے کہا کہ میں عوام سے بھی اپیل کرونگا کہ وہ چیکنگ کے دوران پولیس سے مکمل تعاون کریں۔ اجلاس میں سیہون شریف کے مزار کی فوری تعمیر نو کا فیصلہ بھی کیا گیا۔ انہوں نے کہا کہ پولیس، رینجرز اور دیگر اداروں کا شکریہ جنہوں نے دھماکے کے بعد ہماری مدد کی۔ اجلاس میں یہ بھی فیصلہ کیا گیا کہ سکھر میں سی ٹی ڈی کا سیٹ اپ کیا جائیگا۔ اجلاس کے دوران کمشنر حیدر آباد قاضی شاہد پرویز نے حیسکو سے رابطہ کر کے وزیراعلیٰ سندھ کو آگاہ کیا کہ حیسکو نے لعل شہباز قلندر کے مزار کا کنیکشن آج ہی بحال کرنے کی یقین دہانی کرائی ہے ۔متعلقہ عنوان :
مزید اہم خبریں
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.