جنوری کے دوران چین میں غیر ملکی زرمبادلہ کی فروخت میں کمی

ہفتہ 18 فروری 2017 17:52

بیجنگ(اُردو پوائنٹ اخبارتازہ ترین - آن لائن۔ 18 فروری2017ء) چین نے کہا ہے کہ جنوری کے دوران غیر ملکی زرمبادلہ کی فروخت میں کمی آئی جس کی وجہ یوان کی مستحکم شرح تبادلہ ہے۔

(جاری ہے)

پیپلز بینک آف چائنہ کی حالیہ رپورٹ کے مطابق جنوری کے دوران بینکوں نے 208.8 ارب یوان (30.42 ارب ڈالر) کا زر مبادلہ فروخت کیا جو کہ دسمبر میں فروخت کیے گئے زر مبادلہ 317.8 ارب یوان اور جنوری 2016 ئ میں فروخت کیے گئے زرمبادلہ 644.54 ارب یوان سے کہیں کم ہے۔بینک کا کہنا ہے کہ کمرشل بینکوں کی جانب سے غیر ملکی زرمبادلہ کی فروخت میں رواں سال بہتری آئی ہے اور اس کا توازن متناسب ہورہا ہے۔