لاہور: رائے ونڈ کے علاقے میں پولیس اور حساس اداروں کی کارروائی ،اسلحہ برآمد ، مشکوک شخص گرفتار

ہفتہ 18 فروری 2017 17:52

لاہور(اُردو پوائنٹ اخبارتازہ ترین - آن لائن۔ 18 فروری2017ء) رائے ونڈ کے علاقہ رحمت آباد میں پولیس اور حساس اداروں کے اہلکاروں پر مشتمل مشترکہ سرچ آپریشن کے دوران ٹیم نے اسلحہ برآمد کرکے مشکوک افراد کو گرفتار کرلیا ہے۔

(جاری ہے)

بتایا گیا ہے کہ اس علاقے میں ہونے والے سرچ آپریشن میں تقریباً 100 گھروں کو چیک کیا گیا جبکہ 350 افراد کی شناخت کی تصدیق کی گئی۔ سرچ آپریشن میں جوائنٹ ٹیم نے درجنوں مشکوک افراد کو حراست میں لے لیا ہے اور ان کی شناخت کی تصدیق کا کام شروع کردیا ہے۔ سرچ آپریشن میں جوائنٹ ٹیم نے بائیو میٹرک سسٹم بھی استعمال کیا۔ (اے ملک)