شکارپور، ڈی سی آفیس میں ڈی سی کی زیرصدسارت پولیو متعلق اجلا

جمعہ 17 فروری 2017 23:38

شکارپور (اُردو پوائنٹ اخبارتازہ ترین - این این آئی۔ 17 فروری2017ء) ڈی سی آفیس میں ڈی سی کی زیرصدارت پولیو متعلق اجلاس ۔

(جاری ہے)

تفصیلات کے مطابق گذشتہ روز ڈسٹرکٹ پولیو اریڈیکیشن کمیٹی کا اجلاس ڈپٹی کمشنر شکارپورسید حسن رضا کی صدارت میں ہوا ، اس موقعے پر بریفنگ دیتے ہوئے ڈبلیو ایچ او کے نمائندے ڈاکٹر سہیل نے بتایاکہ یوسی لیول پر ہونے والے اجلاس میں ایجنڈا پر عمل نہیں کیا جارہا ہے اور صرف وہاں پر حاضری لگا کر میٹنگ ختم کی جاتی ہے اور یوسی میڈیکل آفیسر مطلوبہ معلومات اور پروفارمہ بھی صحیح نہیں پر کررہے ہیں جبکہ ان کے ذمہ اہم کام مائکرو پلان کا جائزہ لینا ہے اس کو بھی نظر انداز کیا جاتا ہے ، انہو ںنے کہاکہ ضلع کے اندر کچھ یوسیز میں غیر موجود بچوں کی تعداد بہت زیادہ ہے جن کو ڈہونڈ کر پولیو کے قطرے پلانے ہیں ، اجلاس میں ڈبلیو ایچ او شکارپور کے سربراہ ڈاکٹر یحی موسی نے بتایا کہ فیلڈ میں جو ٹیمیں پویلیو ویکسن لیکر جاتی ہیںوہ باقی بچے ہوئے ویکسین کے وائل جمع نہیں کرواتے جس کی وجہ سے کچھ ویکسن ضایع ہوجاتی ہے انہو ںنے کہاکہ ہم پولیو ٹیموں کو ہر مہم سے پہلے ٹریننگ بھی دیتے ہیں مگر اس کے باوجود بھی ایسی ضروری چیزیں نظر انداز کی جاتی ہیں اجلاس سے تحصیل خانپور ، لکھی اور شکارپور کے سپروائیزروں نے بتایا کہ ضلع کے اند رمقرر ٹرانزٹ پوائنٹ پر پولیس پولیو ٹیموں کی کوئی مدد نہیں کررہی ہے ، اجلا س سے خطاب کرتے ہوئے ڈپٹی کمشنر شکارپور سید حسن رضا نے کہاکہ آئیندہ یوپیک کی میٹنگو ںمیں اسسٹنٹ کمشنر شرکت کریں گے اور ہر میڈیکل آفیسر کی سخت جاچ کی جائے گی کہ وہ یوسی سطح پر اجلاس میں ایجنڈائوں پر عمل کروائیں انہو ںنے ڈی ایس پی انور گوپانگ کو ہدایت کی کہ ٹرانزٹ پوائنٹ پر ہوشیار پولیس اہلکار مقرر کیے جائیں جو پولیو ٹیموں کی مدد کریں جبکہ انہو ںنے ڈی ایچ او قاضی خورشید کو ہدایت کی کہ فیلڈ میں جانے والی ٹیموں کو سختی سے پابند کیا جائے کہ ویکسین کے خالی یا بھرے ہوئے وائل جمع کروائیں اور کسی صورت میں ویکسین جمع کروائیں آئیندہ ایسی شکایت پر اس ٹیم کے خلاف کاروائی کی جائے گی ، اجلاس میں چاروں تحصیلوں کے اسسٹنٹ کمشنروں ، پی پی ایچ آئی کے نمائندوں ، تحصیل سپروائیزروں ، این جی اوز کے نمائندوں اور دیگر عملداروں نے شرکت کی ۔

متعلقہ عنوان :