نیشنل ایکشن پلان کے تحت سیکیورٹی اداروں کامختلف علاقوں میں سرچ آپریشن،10افغانیوں سمیت42مشتبہ افرادگرفتار

اسلام آباد(اُردو پوائنٹ اخبارتازہ ترین - این این آئی۔ 17 فروری2017ء) نیشنل ایکشن پلا ن کے تحت اسلام آ باد پو لیس، پا کستا ن رینجر ز اور انٹیلی جنس اداروں کا بھارہ کہو کے مختلف علا قوں میں مشترکہ سرچ آپریشن ،350سے زائد گھروں کی تلاشی لیتے ہوئی10افغا نیو ں سمیت42مشتبہ افراد کو حر است میں لے کر تحقیقا ت شروع کر دی گئی ہیںجبکہ ایس ایس آپریشنز ساجد کیانی نے کہا کہ دار الحکومت کی سیکیورٹی کوہائی الرٹ رکھا جاے، پٹرولنگ اور گشت کو مزیدبڑھاتے ہوئے چیکنگ کو سخت کیا جائے تاکہ شر پسند عناصر کے مذموم عزائم کو ناکام بنایا جا سکے ۔

تفصیلا ت کے مطابق اسلام آباد کی سکیورٹی کو فول پروف بنانے اور شہر کو جرائم پیشہ عناصر سے پاک کرنے کے لئے گزشتہ روز اسلام آ باد پو لیس، پا کستا ن رینجر ز ، حسا س اداروں کے افسران و جو انو ں نے تھا نہ بھارہ کہو کے علا قوں ڈہو ک نئی آ بادی ، احمد ٹا ئون اٹھا ل،کلمہ چوک ، ڈہو ک جیلا نی ، نین سُکھ ، ڈہو ک موہر ی اور گردو نواح کے علا قہ میں سر چ آ پر یشن کیا۔

(جاری ہے)

اس سر چ آ پر یشن میں ڈی ایس پی سیکر ٹر یٹ سرکل عار ف شاہ ، ایس ایچ او تھا نہ بھارہ کہو محبو ب احمد، سٹی زون ، ریسکیو 15، اے آر یو ، لیڈ یز نے حصہ لیا۔دوران سر چنگ10افغا نیو ں سمیت42مشتبہ افراد کو حر است میں لیا گیا۔ ملزمان کے قبضہ سے اسلحہ معہ ایمو نیشن چارایس ایم جی گنیں ، 2رپیٹر، ایک عدد 12بور سنگل بیر ل ، دو عدد 12بور ڈبل بیرل ، دو8ایم ایم ، 3پسٹلز 9ایم ایم ، ایک خنجر قبضہ پولیس میں لے لیے جس کے متعلق تحقیقا ت جا ری ہیں۔

ایس ایس پی ساجد کیانی نے کہا کہ تما م پولیس افسران جرائم پیشہ عناصر کے خلاف سخت کارروائی عمل میں لائیں مشکوک اور مشتبہ افراد پر کڑی نظر رکھی جائے تا کہ کو ئی شر پسند عناصر اپنے مذ مو م مقا صد میں کا میا ب نہ ہو سکے۔ انہو ں نے تمام ایس ایچ اوز کو ہد ایا ت جا ر ی کرتے ہو ئے کہا کہ روزانہ کی بنیا د پر سر چ آ پر یشن کو جا ر ی ر کھا جا ئے تاکہ شہر یوں کو جرائم پیشہ عناصر سے چھٹکارا مل سکے اور شہر کا ماحول پرامن اور ساز گار رہے۔

انہو ں نے پولیس کو ہد ا یت کی ہے کہ کسی بھی نا خو شگوار صورت حا ل سے بچنے کے لیے تما م تر ضروری اقداما ت کئے جا ئیں،نگرانی کے عمل کو بڑھایا جائے ،ڈیوٹیو ںمیں کسی قسم کی غفلت نہ برتی جائے ۔ انہوں نے تمام شہریوں سے بھی اپیل کی کہ وہ اپنے علاقوں میں کہیں بھی کوئی مشکوک سرگرمی یا کوئی مشکوک شخص دیکھیں تو فوراً پولیس کو اطلاع دیں کیونکہ شہریو ں کے تعاون کے بغیر سکیورٹی کو بہتر بنانا ممکن نہیں ۔پولیس عوام کی خدمت کے لئے دن رات کام کر رہی ہے ،شہری پولیس کے ساتھ تعاون جاری رکھیں۔