فروغ اد ب سے وابستہ افراد معاشرے کا فخر ہیں ‘ اداکارہ ریشم

جمعہ 17 فروری 2017 12:23

فروغ اد ب سے وابستہ افراد معاشرے کا فخر ہیں ‘ اداکارہ ریشم
لاہور (اُردو پوائنٹ اخبارتازہ ترین - این این آئی۔ 17 فروری2017ء) سینئر اداکارہ ریشم نے کہا ہے کہ فروغ اد ب سے وابستہ افراد معاشرے کا فخر ہیں کیونکہ کوئی بھی معاشرہ ادب کے بنا نامکمل اور ادھورہ ہے اور میری ذاتی رائے ہے کہ دور حاضر میں کتاب بہترین دوست ہے جو زندگی گزارنے کے لئے راستے کا تعین کرتی ہے۔

(جاری ہے)

انہوں نے ایک انٹرویو کے دوران کہا کہ بد قسمتی سے سوشل میڈیا اور الیکٹرک میڈیا کی وجہ سے کتابوں اور ادب سے پاکستانی قوم کا تعلق کم ہوتا جارہا ہے ہمیںاپنے بچوں کو یہ درس دینا چاہیے کہ وہ کتاب سے دوستی کرلیں اور ادبی کتابوں کا زیادہ سے زیادہ مطالعہ کریں ۔

ریشم نے ایک سوال کے جواب میں کہا کہ امجد اسلام امجد ،ناصر کاظمی ، احمد فراز اور فیض احمد فیض میرے پسندیدہ شاعر ہیں اور فارغ اوقات میں ان بڑے لوگوں کی کتابوں کا مطالعہ شوق سے کرتی ہوں اور کبھی کبھی خود بھی شعر کہہ لیتی ہوں ۔