پاک افعان سرحد پر دہشت گردوں کا ایف سی چیک پوسٹ پر حملہ 2اہلکار زخمی-تمام حملہ آور مارے گئے -آئی ایس پی آر-ملک میں دہشت گردی کی حالیہ لہر میں سینکڑوں جانیں گنواچکے ہیں‘شہریوں میں خوف وہراس ‘سوشل میڈیا پر شیئرکیئے جانے والے ”سیکورٹی تھریڈز“نے عوام کو چکراکررکھ دیا‘سوشل میڈیا ”تھریڈز“عام شہریوں کو خوفزدہ کرنے اور نفسیاتی طور پر توڑنے کی سازش ہوسکتی ہے-ماہرین
میاں محمد ندیم جمعہ 17 فروری 2017 09:52
(جاری ہے)
افغان بارڈر طورخم گیٹ کو بھی گزشتہ روز غیر معینہ مدت تک بند کردیا گیا۔
انتظامیہ کا کہنا ہے کہ طورخم گیٹ تاحکم ثانی ہر قسم کی آمد و رفت کے لیے بند رہے گا اور تجارتی سرگرمیاں اور پیدل آمد و رفت معطل رہیں گی۔آئی ایس پی آر کی جانب سے بھی طورخم گیٹ سیکیورٹی وجوہات کی بنا پر غیر معینہ مدت کے لیے بند کیے جانے کی تصدیق کی گئی۔قبل ازیں ڈیرہ اسماعیل خان میں پولیس وین پر فائرنگ سے پولیس افسر اور 2 کانسٹیبلز سمیت 5 افراد ہلاک ہوگئے تھے۔جہاں مشن موڑ کے قریب دو موٹر سائیکلوں پر سوار 4 ملزمان نے پولیس وین پر اندھا دھند فائرنگ کردی۔فائرنگ سے اے ایس آئی رحمت اللہ اور کانسٹیبل فرید موقع پر ہی ہلاک جبکہ ایک کانسٹیبل، وین ڈرائیور اور راہگیر زخمی ہوئے۔زخمیوں کو ڈسٹرکٹ ہیڈ کوارٹر ہسپتال منتقل کیا گیا جہاں تینوں زخموں کی تاب نہ لاتے ہوئے دم توڑ گئے۔ڈسٹرکٹ ایمرجنسی افسر عمران خان کا کہنا تھا کہ پولیس وین معمول کے گشت پر ایک فلنگ اسٹیشن پر تعینات تھی کہ نامعلوم ملزمان نے اس پر حملہ کردیا۔واضح رہے کہ ملک کے مختلف حصوں میں پچھلے 4 روز کے دوران 6 خودکش حملوں میں درجنوں افراد شہید اورسینکڑوں زخمی ہوچکے ہیں۔ ملک کے طول و عرض میں دہشت گردوں کو لگام دینے کے دعوے ایک مرتبہ پھر دھرے کے دھرے رہ گئے کیوں کہ گزشتہ 4 روز کے دوران ملک دشمن عناصر کی جانب سے کی گئی کارروائیوں نے دہشت گردوں کی موجودگی کا احساس دلانا شروع کردیا۔ دہشت گردوں نے سب سے پہلے لاہور کو نشانہ بنایا جہاں پیر کے روز چیئرنگ کراس کے مقام پر خودکش حملہ ہوا جس میں ڈی آئی جی ٹریفک احمد مبین اور ایس ایس پی آپریشنز زاہد گوندل سمیت 13 افراد شہید ہوئے۔ افسوسناک سانحہ سے قبل کی سی سی ٹی وی فوٹیج منظرعام پر آنے کے بعد قانون نافذ کرنے والے اداروں نے خودکش بمبار کے ایک سہولت کار کو گرفتار کرنے کا دعویٰ کیا۔ لاہور کے بعد دہشت گردوں نے منظم طریقے سے گزشتہ روز پشاور، مہمند ایجنسی اور شبقدر میں 4 خودکش حملے کئے جس میں مجموعی طور پر 4 اہلکاروں سمیت 7 افراد شہید ہوئے۔ پشاور کے علاقے حیات آباد میں موٹرسائیکل پر سوار خودکش بمبار نے خود کو ماتحت عدلیہ کے ججز کو لے جانے والی گاڑی کے قریب دھماکے سے اڑا لیا جس کے نتیجے میں ڈرائیور جاں بحق جب کہ 4 ججززخمی ہوئے جب کہ بدھ کے روز ہی ایک خودکش بمبار نے شبقدر میں خود کو دھماکے سے اڑایا جس میں لائس نائیک شہید ہوا۔ دہشت گردوں نے گزشتہ روز مہمند ایجنسی کو بھی نشانہ بنایا جہاں 2 خودکش بمباروں نے مہمند ایجنسی کے ہیڈکوارٹرغلنئی میں پولیٹیکل انتظامیہ کے دفترمیں گھسنے کی کوشش کی اس دوران جب سیکیورٹی فورسز نے بمبار کو روکا تو ایک نے خود کو دھماکے سے اڑالیا جس کے نتیجے میں 3 خاصہ داروں سمیت 5 افراد شہید ہوگئے جب کہ دوسرے خود کش بمبار کو فورسز نے گولی مارکر ہلاک کردیا۔ سندھ میں لعل شہباز قلندر کے مزار پر خود کش حملہ کیا گیا جس میں75افراد جاں بحق اور250سے زائد زخمی ہوئے۔اسی دن ڈیرہ اسماعیل خان میں پولیس وین پر حملہ کیا گیا جس میں تین پولیس اہلکار ہلاک ہوئے جبکہ بلوچستان کے ضلع آواران میں تخریب کاری کی بڑی کارروائی کی جس میں فورسز کے قافلے کے قریب بارودی سرنگ کے دھماکے میں پاک فوج کے کیپٹن سمیت 3 اہلکار شہید ہوئے۔ دہشت گردوں کی جانب سے کی جانے والی حالیہ کارروائیوں کے بعد مقصد بظاہر یہ دکھائی دیتا ہے کہ عوام میں خوف وہراس پیدا کرکے ملک میں انارکی پھیلانے کی کوشش کی جائے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.