پاکستان کسی بھی جارحیت کا منہ توڑ جواب دینے کی بھرپور صلاحیت رکھتا ہے،خواجہ آصف

ْ پاکستان ہمسایہ ملکوں سے دوستانہ تعلقات کا خواہاں ہے،جے ایف 17تھنڈر طیاروں سے پاک فضائیہ کی صلاحیتوں میں اضافہ ہوگا، فضائیہ ہمیشہ قوم کی توقعات پر پورا اتری ،پاک فضائیہ کو جدید تقاضوں کے ہم آہنگ کرنا وقت کی ضرورت ہے وزیردفاع خواجہ آصف کا پاک فضائیہ کے 14سکواڈرن کو جے ایف 17تھنڈر طیارے سپرد کرنے کی تقریب سے خطاب

جمعرات 16 فروری 2017 15:16

پاکستان کسی بھی جارحیت کا منہ توڑ جواب دینے کی بھرپور صلاحیت رکھتا ..
کامرہ(اُردو پوائنٹ اخبارتازہ ترین - آئی این پی۔ 16 فروری2017ء) وزیردفاع خواجہ محمد آصف نے کہا ہے کہ پاکستان کسی بھی جارحیت کا منہ توڑ جواب دینے کی بھرپور صلاحیت رکھتا ہے،پاکستان ہمسایہ ملکوں سے دوستانہ تعلقات کا خواہاں ہے،جے ایف 17تھنڈر طیاروں سے پاک فضائیہ کی صلاحیتوں میں اضافہ ہوگا،پاک فضائیہ ہمیشہ قوم کی توقعات پر پورا اتری ہے،پاک فضائیہ کو جدید تقاضوں کے ہم آہنگ کرنا وقت کی ضرورت ہے۔

جمعرات کو کامرہ میں پاک فضائیہ کے 14سکواڈرن کو جے ایف 17تھنڈر طیارے دینے کی تقریب سے خطاب کرتے ہوئے وزیردفاع خواجہ محمد آصف نے کہا ہے کہ جے ایف 17تھنڈر کی شمولیت پاک فضائیہ کیلئے تاریخی ہے،21ویں صدی کے تقاضوں سے ہم آہنگ ہونے کیلئے جدیدطیاروں کی شمولیت ضروری ہے،جے ایف 17تھنڈر طیاروں سے پاک فضائیہ کی صلاحیتوں میں اضافہ ہوگا۔

(جاری ہے)

انہوں نے کہاکہ پاک فضائیہ کے سکوارڈرنز کو بتدریج جدید طیاروں سے لیس کیا جارہا ہے،پاک فضائیہ کو جدید تقاضوں سے ہم آہنگ کرنا وقت کی اہم ضرورت ہے،پاک فضائیہ نے ملک اور بیرون ملک شاندار فضائی کرتب دکھائے ہیں۔

خواجہ آصف نے کہاکہ پاک فضائیہ جرات اور بہادری کی علامت ہے،پاک فضائیہ ہمیشہ قوم کی توقعات پر پورا اتری ہے،مشکل وقت میں پاک فضائیہ کا کردار انتہائی اہم رہا ہے،ضرب عضب کی کامیابی میں پاک فضائیہ نے کلیدی کردار ادا کیا،سرھدوں کی حفاظت میں پاک فضائیہ ہر اول دستے کا کردار ادا کر رہی ہے۔انہوں نے کہاکہ پاکستان ہمسایہ ملکوں سے دوستانہ تعلقات کا خواہاں ہے،پاکستان کسی بھی جارحیت کا منہ توڑ جواب دینے کی بھرپور صلاحیت رکھتا ہے

متعلقہ عنوان :