کنٹرول لائن پر شہید پاک فوج کے 3 اہلکاروں کی آبائی علاقوں میں پورے فوجی اعزاز کے ساتھ تدفین

آرمی چیف کی جانب سے شہید کی قبرپر پھولوں کی چادر چڑھائی گئی اور سلامی دی گئی

بدھ 15 فروری 2017 11:03

کنٹرول لائن پر شہید پاک فوج کے 3 اہلکاروں کی آبائی علاقوں میں پورے ..

ہٹیاں/ لاڑکانہ(اُردو پوائنٹ اخبارتازہ ترین - آئی این پی۔ 15 فروری2017ء) لائن آف کنٹرول پرگزشتہ روز بھارتی افواج کی بلا اشتعال فائرنگ سے شہید ہونے والے پاک فوج کے تینوں اہل کاروں کی تدفین ان کے آبائی علاقوں میں پورے فوجی اعزاز کے ساتھ کردی گئی۔

(جاری ہے)

شہید نائیک غلام رسول کی نماز جنازہ آزاد کشمیر کے ضلع ہٹیاں کے گاوں نڑدجیاں میں ادا کی گئی، نماز جنازہ میں اعلی فوجی و سول حکام اور سیاسی و سماجی شخصیات نے شرکت کی، شہید کو مقامی قبرستان میں سپرد خاک کردیا گیا، پاک فوج کے جوانوں نے سلامی دی ۔

شہید نائیک عبدالجبارجونیجو کی نماز جنازہ لاڑکانہ میں ان کے آبائی گاوں سیہڑمیں ادا کی گئی۔جس میں فوجی حکام کے علاوہ علاقہ مکینوں کی بڑی تعداد بھی شریک ہوئی، آرمی چیف کی جانب سے شہید کی قبرپر پھولوں کی چادر چڑھائی گئی اور سلامی دی گئی۔لائن آف کنٹرول پر شہید ہونے والے تیسرے فوجی اہل کار نائیک عمران ظفر کی گوجر خان میں تدفین کردی گئی،تینوں اہلکاروں کو پورے فوجی اعزازکے ساتھ لحد میں اتاراگیا۔