ملک بھر میں دہشت گردوں کسی کونے میں نہیں چھپنے دیں گے،آرمی چیف

سانحہ لاہور جیسے واقعات سے ہمارے قومی عزم میں کمی نہیں آئے گی اور نہ ہی اس سے دہشت گردی کے خلاف جاری ہماری کوششیں متاثر ہوں گی ،ہر قسم کے دہشت گردوں ، ان کے سرپرستوں ، مالی مدد کرنے والوں ، منصوبہ سازوں اور ترغیب دینے والے ملکی اور غیر ملکی عناصر کا ملک بھر میں تعاقب کریں گے،پی ایس ایل کا فائنل اپنے شیڈول کے مطابق کرانے کیلئے فوج بھرپور معاونت کرے گی، ڈی آئی جی مبین اور قوم کی قربانیاں رائیگاں نہیں جائیں گی ،ہم اس غیر انسانی سوچ کو شکست دے کر دم لیں گے ،آرمی چیف جنرل قمر جاوید باجوہ کا سیکورٹی سے متعلق اجلاس سے خطاب کور کمانڈر لاہور اور انٹیلی جنس ایجنسیوں کی آرمی چیف کو لاہور دھماکے کے بار ے میں بریفنگ ،جنرل باجووہ کی ڈی آئی جی احمد مبین کے خاندان کے ساتھ اظہار تعزیت اور فاتحہ خوانی ،سروسز ہسپتال کا دورہ کر کے زخمیوں کی عیادت بھی کی،آئی ایس پی آر

منگل 14 فروری 2017 22:52

ملک بھر میں دہشت گردوں کسی کونے میں نہیں چھپنے دیں گے،آرمی چیف

راولپنڈی/ لاہور(اُردو پوائنٹ اخبارتازہ ترین - آئی این پی۔ 14 فروری2017ء) آرمی چیف جنرل قمر جاوید باجوہ نے کہا ہے کہ دہشت گردوں کا ملک بھر میں پیچھا کیا جائے گا انہیں کسی کونے میں نہیں چھپنے دیں گے،سانحہ لاہور جیسے واقعات سے ہمارے قومی عزم میں کمی نہیں آئے گی اور نہ ہی اس سے دہشت گردی کے خلاف جاری ہماری کوششیں متاثر ہوں گی ،ہر قسم کے دہشت گردوں ، ان کے سرپرستوں ، مالی مدد کرنے والوں ، منصوبہ سازوں اور ترغیب دینے والے ملکی اور غیر ملکی عناصر کا ملک بھر میں تعاقب کریں گے،پی ایس ایل کا فائنل اپنے شیڈول کے مطابق کرانے کیلئے فوج بھرپور معاونت کرے گی، ڈی آئی جی مبین اور قوم کی قربانیاں رائیگاں نہیں جائیں گی ،ہم اس غیر انسانی سوچ کو شکست دے کر دم لیں گے اور ایک قوم بن کر ہم ایسا کریں گے۔

(جاری ہے)

منگل کو پاک فوج کے شعبہ تعلقات عامہ (آئی ایس پی آر) کی طرف سے جارنے والے بیان کے مطابق آرمی چیف جنرل قمر جاوید باجوہ نے لاہور کا دورہ کیا جہاں انہوں کورہیڈکوآرٹرز میں سیکیورٹی کے حوالے سے اجلاس کی صدارت کی ۔کور کمانڈر لاہور لیفٹیننٹ جنرل صادق علی اور انٹیلی جنس ایجنسیوں کی جانب سے آرمی چیف کو گزشتہ رات ہونے والے دھماکے کے حوالے سے بریفنگ دی گئی ۔

آرمی چیف جنرل قمر جاوید باجوہ نے کہا کہ ایسے واقعات سے ہمارے قومی عزم میں کمی نہیں آئے گی اور نہ ہی اس سے دہشت گردی کے خلاف جاری ہماری کوششیں متاثر ہوں گی ۔انہوں نے کہا کہ دہشت گردوں کا ملک بھر میں پیچھا جائے گا انہیں کسی کونے میں نہیں چھپنے دیں گے ،ہر قسم کے دہشت گردوں ، ان کے سرپرستوں ، مالی مدد کرنے والوں ، منصوبہ سازوں اور ترغیب دینے والے ملکی اور غیر ملکی عناصر کا ملک بھر میں تعاقب کریں گے ۔

آرمی چیف نے گزشتہ رات لاہور میں ہونے والے دھماکے کے مجرمان کو تلاش کرنے کیلئے انٹیلی جنس ایجنسیوں کی کوششوں کو سراہا جس کے نتیجے میں افغانیوں سمیت دیگرکو گرفتار کیا گیا ہے ۔دھماکے کے نتیجے میں پی ایس ایل کا لاہور میں فائنل میچ متاثر ہونے سے متعلق آرمی چیف جنرل قمر جاوید باجوہ نے کہا کہ لاہور میں پی ایس ایل کا فائنل اپنے شیڈول کے مطابق کرانے کیلئے فوج بھرپور معاونت کرے گی۔

بعدازاں آرمی چیف نے گزشتہ رات ہونے والے دھماکے کے نتیجے میں شہید ہونے والے ڈی آئی جی مبین کے گھر گئے اور ان کے خاندان کے ساتھ اظہار تعزیت اور فاتحہ خوانی کی ۔ شہید کی والدہ سے گفتگو کرتے ہوئے آرمی چیف نے کہا کہ ان کے بہادر بیٹے اور قوم کی قربانیاں رائیگاں نہیں جائیں گی ،ہم اس غیر انسانی سوچ کو شکست دے کر دم لیں گے اور ایک قوم بن کر ہم ایسا کریں گے ۔

آرمی چیف نے گزشتہ رات دھماکے میں شہید ہونے والے دیگر افراد کے خاندانوں سے بھی تعزیت کا اظہار کیا ۔ آرمی چیف نے سروسز ہسپتال کا دورہ کر کے زخمیوں کی عیادت بھی کی اور انہیں یقین دلایا کہ واقعے میں ملوث دہشتگردوں کوکیفر کردارتک پہنچایا جائے گا۔ دریں اثناء نجی ٹی وی چینلز کی رپورٹ کے مطابق اجلاس میں کالعدم تنظیموں کے خلاف آپریشن تیز کرنے کا فیصلہ کیا گیا ۔ یہ بھی فیصلہ کیاگیا کہ کومبنگ آپریشن کا آغاز جنوبی پنجاب سے کیا جائے گا ۔ نام بدل کر کام کرنے والی کالعدم تنظیموں کے خلاف بھی آپریشن کیا جائے گا۔ آرمی چیف نے کہاکہ آپریشن سے پہلے پنجاب حکومت کو اعتماد میں لیا جائے گا ۔ آپریشن میں آرمی حساس اداروں کی مکمل معاونت کرے گی۔