تحریک آزادی جموں کشمیر ، وکلاء اور کسان تنظیموں کا بھارتی فوج کی طرف سے کشمیریوں کی شہادت ،حافظ محمد سعید ودیگر کی نظربندی کیخلاف شدید احتجاج
شاردہ نیلم آزادی کشمیر میں برفباری کے باوجود زبردست مظاہرہ ،قصور میں ڈسٹرکٹ بار کے وکلاء نے حافظ محمد سعید و دیگر رہنمائوں کی نظربندی کیخلاف مذمتی قرارداد پاس کی مودی سرکارکے دبائو پر جماعةالدعوة کے رہنمائوں کی نظربندی کا مقصد انہیںکشمیریوں کیلئے مضبوط آواز بلند کرنے سے روکنا ہے‘ مظاہرین
پیر 13 فروری 2017 19:11
(جاری ہے)
ڈسٹرکٹ بار قصورکی جانب سے احتجاجی مظاہرہ میں شریک وکلاء نے کتبے اور بینرز اٹھا رکھے تھے جن پر ’’محسن پاکستان حافظ محمد سعید کو رہا کرو‘‘ اور کشمیریوں سے رشتہ کیا، حافظ محمد سعید سے رشتہ کیا ‘ لاالہ الااللہ کے نعرے درج تھے۔
احتجاجی مظاہرہ میں شریک وکلاء سے مہر محمد ندیم ایڈووکیٹ، سردار فاخر ایڈووکیٹ، چوہدری عامر حیات، پیر محمد رفیق بودلہ، محمد عبداللہ خاں ایڈووکیٹ، سردار ریاض، ملک محمد احسان، محمد خالد، منظور احمد، سردار شفیق و دیگرنے خطاب کیا اور کہاکہ حافظ محمد سعید کو رہا نہ کیا گیاتو ملک بھر کے وکلاء شدید احتجاج کریں گے۔ اس سلسلہ میں کسی طور خاموشی اختیار نہیں کی جائے گی۔ قصور ڈسٹرکٹ بار ایسوسی ایشن کے رہنمائوں مہر محمد ندیم ایڈووکیٹ، سردار فاخر ایڈووکیٹ، چوہدری عامر حیات، پیر محمد رفیق بودلہ اور محمد عبداللہ خاں ایڈووکیٹ نے کہاکہ کلمہ طیبہ کے نام پر حاصل کئے گئے پاکستان کے حکمرانوں کو بھارتی خوشنودی کیلئے حافظ محمد سعید و دیگر رہنمائوں کی نظربندی جیسے اقدامات اٹھانا انتہائی افسوسناک ہے ۔جب حکومت خود یہ بات تسلیم کرتی ہے کہ جماعةالدعوة کے کسی رکن کیخلاف پورے پاکستان میں کوئی ایک ایف آئی آر تک درج نہیں ہے اور یہ کہ مذکورہ جماعت ملک میں کسی قسم کی غیر قانونی سرگرمی میں ملوث نہیں ہے تو پھر اس کی قیادت کیخلاف نظربندیوں جیسے اقدامات کیوں اٹھائے جارہے ہیں ۔ انہوںنے کہاکہ حافظ محمد سعید و دیگر رہنمائوں کو فی الفوررہا کیا جائے۔ جماعةالدعوة سیاسی امور کے سربراہ پروفیسر حافظ عبدالرحمن مکی،جماعةالدعوة لاہور کے مسئول ابوالہاشم ربانی اور تحریک آزادی جموں کشمیر کے سیکرٹری جنرل حافظ خالد ولید نے مرکز القادسیہ چوبرجی میں کارکنان و ذمہ داران سے گفتگو کرتے ہوئے کہا ہے کہ ہم مسلم حکمرانوں کیخلاف بددعائیں کرنے اور سیاسی مخاصمت رکھنے والے لوگ نہیں ہیں تاہم ملکی سلامتی و استحکام کے مسئلہ پر خاموش نہیں رہیں گے۔ جو کوئی کشمیر کے ساتھ بدنیتی رکھتا ہے اللہ تعالیٰ اس کے ساتھ نمٹے گا۔حکمران اللہ کی پکڑ سے ڈریں۔ وہ سمجھتے ہیں کہ نظربندیوں سے یہ گھر بیٹھ جائیں گے‘ ایسا نہیں ہوگا۔ اللہ تعالیٰ اس جماعت کو اور زیادہ عزت دے گا۔تحریک آزادی جموں کشمیر کے زیر اہتمام شاردا نیلم آزاد کشمیر میں زبردست احتجاجی مظاہرہ کیا گیا۔ اس موقع پر برفباری کی وجہ سے راستے بھی مکمل طور پر نہ کھل سکے تھے تاہم اس کے باوجود مقامی کشمیریوںنے پاکستانی پرچم اٹھائے حافظ محمد سعید ودیگر رہنمائوں کی نظربندی کیخلاف اور مقبوضہ کشمیر میں نہتے کشمیریوں کے قتل عام کیخلاف زبردست احتجاج کیا اور انڈیا کے خلاف شدید نعرے بازی کی گئی۔احتجاجی مظاہرہ سے خطاب کرتے ہوئے تحریک آزادی آزاد جموں کشمیر کے مرکزی رہنما حمید الحسن و دیگر نے کہاکہ حافظ محمد سعیدودیگر رہنمائوں کی گرفتاری سے کشمیریوں کی پیٹھ میں چھرا گھوپنا گیا ہے۔ہم پوچھنا چاہتے ہیں کہ ان کا جرم کیا ہے،دنیا کی کسی عدالت میں ابھی تک حافظ محمد سعید کا کوئی جرم ثابت نہیں ہو سکا،یہ کاروائی صرف اس لئے ہے کہ کشمیریوں کے حق میں اٹھنے والی آواز کو دبا دیا جائے۔انہوں نے کہا کہ کشمیر یوں کیلئے آوازبلند کرنا اور بھارتی سازشوں کو ناکام بنانا حافظ محمد سعید کا جرم ہے تو اس کا اعتراف ہم سب کرتے ہیں۔ہم چاہتے ہیں کہ پاکستان میں اللہ کا دین غالب ہو،کشمیر آزاد ہو اور کشمیریوں کو مستقبل کے فیصلے کا حق ملنا چاہئے۔ دریں اثناء جماعةالدعوة شعبہ کسان کے سربراہ محمد اشفاق نے ایک تقریب سے خطاب کرتے ہوئے کہا ہے کہ کشمیر پاکستان کی شہ رگ ہے۔ اگر شہ رگ قبضہ میں ہو تو سانس لینا بھی مشکل ہوتا ہے۔ پاکستان کی سالمیت میں جماعةالدعوة بہت بڑا کردار ادا کر رہی ہے۔ نظربندیوں اور پابندیوں کی کوئی حیثیت نہیں۔ اس سے تحریکیں مزید پروان چڑھتی ہیں۔انہوںنے کہاکہ جس وقت مودی نے کہا پاکستان کا پانی بند کر دوں گا تو حافظ محمد سعید نے جواب دیا تھا کہ مودی پانی بند کرے گا تو پھر دریائوں میں خون بہے گا۔ نریندرمودی صوبوں کو آپس میں لڑانا چاہتا ہے۔ ہم کسان اعلان کرتے ہیں کہ جماعةالدعوة کے قائدین کو رہا نہ کیا گیا تو پاکستان کے سب کسان اور زمیندار سڑکوں پر ہوں گے۔متعلقہ عنوان :
مزید قومی خبریں
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
-
خواجہ سلمان رفیق کا عزیز بھٹی شہید ہسپتال گجرات میں چھت گرنے کے واقعہ کا نوٹس،رپورٹ طلب
-
وزیراعلی ٰ پنجاب کا گجرات میں عزیز بھٹی شہید ٹیچنگ ہسپتال میں چھت گرنے کے واقعہ کا نوٹس
-
میں نے خود بانی پی ٹی آئی کو کہتے سنا ہے کہ اپوزیشن کو پھانسی لگا دیتے ہیں، ندیم افضل چن
-
وزیراعلیٰ مریم نوازشریف کا گجرات میں عزیزبھٹی شہید ٹیچنگ ہسپتال میں چھت گرنے کے واقعہ کا نوٹس
-
لڑکے اورلڑکی کی کم ازکم شادی کی عمر 18سال قرار ، چائلڈ میرج بل سیکرٹری ہوم ڈیپارٹمنٹ کو ارسال
-
آئی جی پنجاب ڈاکٹر عثمان انور کا مظفر گڑھ میں شادی کا جھانسہ دے کر طالبہ سے زیادتی کے واقعہ کا نوٹس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.