مہدی شاہ کو اپنے گریبان میں جھانک کر دیکھنے کی ضرورت ہے۔ موجودہ حکومت پر تنقید کا واحد مقصد اپنی سیاست کو اخباروں میں زندہ رکھنا ہے،صوبائی وزراء اور اسمبلی کے اراکین پپس پاکستان انسٹیٹوٹ برائے پارلیمانی سروسز کی جانب سے منعقدہ ٹریننگ کے لیئے اسلام آباد میں تھے
ہفتہ 11 فروری 2017 23:17
(جاری ہے)
اس بناء پر الیکشن میں ان کی جماعت کا صفایا ہو گیا اور عوام نے ان کو بری طرح سے مسترد کر دیا۔
مسلم لیگ ن کی حکومت عوام کی امیدوں پر بھرپور طریقے سے پورا اتر رہی ہے اور بڑے پیمانے پر میگا منصوبوں کا آغاز ہمارے دور حکومت میں ہی ہوا اور آنے والے دنوں میں ان منصوبوں کی کامیابی کے بعد اگلے الیکشن بھی ہماری جماعت ہی جیتے گی۔ شغر تھنگ منصوبہ سابقہ حکومت کی عدم دلچسپی کی بناء پر فائلوں کی نذر ہو چکا تھا اور اب وزیر اعلی حفیظ الرحمن کی کوششوں سے وفاقی حکومت کی جانب سے اس منصوبے کے لیئے فنڈز فراہم کئے جا رہے ہیں۔ ہم صرف زبانی دعووں پر یقین نہیں رکھتے بلکہ عملی اقدامات کے زریعے عوام کے مسائل کے حل کے لیئے کوشاں ہیں۔ وزیر اعلی گلگت بلتستان پی ایس ڈی پی کے اہم ترین اجلاسوں میں صوبے کی نمائیندگی کرنے کے لیئے اسلام آباد کا دورہ کرتے ہیں اور ان اہم ترین میٹنگز کے فوری بعد صوبائی دارلحکومت میں موجود ہوتے ہیں۔ وزیر اعلی حفیظ الرحمن کی بصیرت اور لیڈر شپ کے سب ہی لوگ معترف ہیں اور ان کی کوششو ں سے ہی سی پیک جیسے اہم ترین منصوبے میں گلگت بلتستان کو سٹیک ہولڈر کا درجہ مل چکا ہے۔ چائینہ میں حال ہی میں منعقد ہونے والے جے سی سی کے اجلاس میں وزیر اعلی گلگت بلتستان کی شرکت نے یہ بات واضح کر دی ہے کہ وفاقی حکومت گلگت بلتستان کو اہمیت دے رہی ہے اور یہاں پر سی پیک کے تحت شروع ہونے والے منصوبے اتنے ہی اہم ہیں جتنا کہ پاکستان کے باقی صوبوں میں جاری منصوبے ہیں۔ گلگت بلتستان میں توانائی کا بحران سابقہ حکومت کی نا اہلی کی وجہ سے ہی پیدا ہوا ہے۔ ان کے دور میں بجلی کا کوئی بھی بڑا منصوبہ شروع نہیں ہو سکا جس کی وجہ سے ہماری حکومت کو مشکل دن دیکھنے پڑے مگر اب صوبے بھر میں بجلی کی قلت کو دور کرنے کے لیئے ریجنل گرڈ اور نیشنل گرڈ کی صورت میں بڑے منصوبے شروع ہونے جا رہے ہیں اور ان کی تکمیل کے بعد گلگت بلتستان کا ہر شہراور قصبہ روشنیوں سے منور ہو جائے گا۔ حکومت کی جانب سے مستحکم اور جامع منصوبوں کے اجراء کی بناء پر ہی قومی اور بین الاقوامی سطح کے سرمایہ کار ہمارے خطے میں سرمایہ کاری کرنے کے لیئے دلچسپی ظاہر کر چکے ہیں اور حکومت انفراسٹرکچر کو معیاری اور مکمل کرنے پر توجہ مرکوز کئے ہوئے ہے۔ سویڈن ، ناروے اور دیگر ممالک کی جانب سے خطے میں سرمایہ کاری کے لیئے دلچسپی کا اظہار اس با ت کا منہ بولتا ثبوت ہے کہ آنے والے دنوں میں گلگت بلتستان معاشی سرگرمیوں کا مرکز بننے جا رہا ہے۔ صوبائی وزیر اطلاعات نے کہا کہ اگر سابقہ حکومت اپنے دور میں خطے کے مفاد میں سرگرمیوں پر توجہ مرکوز کر تی تو آج صوبے کی حالت اچھی ہوتی مگر سابقہ حکومت نے سیر سپاٹوں اور اسلام آباد کے دوروں میں ہی اپنے پانچ سال پورے کیئے۔ ہماری حکومت اپنے ووٹر ز سے کئے گئے تمام وعدے پورے کرے گی ، ہمارا ایجنڈہ ترقی ہے اور خطے کی معاشی و سیاسی حالت کو سدھارنا ہے۔ تمام وزراء اپنے حلقوں کے مسائل سے بخوبی آگاہ ہیں اور موجودہ حالات کے بارے میں باخبر ہیں۔ حکومت کے ماتحت ادارے تمام اضلاع میں مکمل طور پر فعال ہیں ۔ کسی بھی ضلع میں خوراک کی قلت نہیں ہے ، شگر، خپلو ، غذر اور دیگر متاثرہ اضلاع میں بحالی کے لیئے ضلعی انتظامیہ تندہی سے کام کر رہی ہے۔ کمشنر سکردو ڈویژن پاکستان آرمی کی مدد سے شگر سمیت دیگر متاثرہ علاقوں میں راشن اور اشیائے ضروریہ پہنچا رہے ہیں۔ حکومت کے زیلی ادارے انتہائی مستعدی کا مظاہرہ کر رہے ہیں ۔ صوبائی وزیر اطلاعات نے کہا کہ موسمی آفات کی بناء پر تواتر سے صوبے کے مختلف اضلاع میں مسائل کاسامنا رہتا ہے مگر گلگت بلتستان حکومت کے ادارے اپنے فرائض جان فشانی سے ادا کر رہے ہیں۔متعلقہ عنوان :
مزید قومی خبریں
-
صوبائی وزیرصحت خواجہ سلمان رفیق کا نئے لیڈی ولنگٹن ہسپتال کی سائٹ کا دورہ
-
سنگین مقدمات میں ملوث ملزم کا دشمنی کی بنا پرقتل
-
وزیراعلیٰ پنجاب کی ہدایت پر لاہورپولیس کا پتنگ بازی کے خلاف کریک ڈاؤن جاری
-
وزیراعلیٰ کی ہدایت پرسی سی پی او لاہور کی زیرنگرانی موٹرسائیکل سواروں میں خونی ڈورسے بچاؤ کیلئے سیفٹی وائرزکی مفت تقسیم
-
لاہور اور اوکاڑہ پولیس کو مطلوب خطرناک مجرم اشتہاری گرفتار
-
گندم کی پیداوار کا تقریباً 10 فیصد حصہ مختلف وجوہات کی بناء پر ضائع ہو جاتا ہے،رپورٹ
-
واپڈانے مختلف دریاؤں اور آبی ذخائر میں پانی کی آمد واخراج کے اعدادوشمار جاری کر دیئے
-
پائیدار ترقی اور خوشحالی کے لیے وفاقی اور صوبائی حکام کے درمیان تعاون نہایت اہمیت کا حامل ہے،جام کمال خان
-
این اے 148 میں دوبارہ ووٹوں کی گنتی کی درخواست خارج کردی گئی
-
وزیراعلی پنجاب نے ٹیکس کنسلٹنسی یونٹ قائم کرنے کی منظوری دیدی
-
سمندر پار پاکستانی عازمین حج کو پاسپورٹ کے اجرا کیلئے نئی پالیسی مرتب
-
گلی محلوں میں ہوائی فائرنگ کرنے والے تین دوست دھر لئے گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.